खराब कर्जा असुल उपर गर्दै खुद ब्याज आम्दानीमा सुधार गर्दा फाइनान्सको नाफामा चमत्कारी सुधार भएको हो । चुक्ता पूँजी ८१ करोड रुपैयाँ रहेको फाइनान्सको जगेडा कोषमा १० करोड ४९ लाख रुपैयाँले नोक्सानीमा छ ।
चैत्र मसान्तसम्ममा फाइनान्सले दुई अर्ब २८ करोड तीन लाख रुपैयाँ निक्षेप संकलन गरेको फाइनान्सले दुई अर्ब १८ करोड २३ लाख रुपैयाँ कर्जा परिचालन गरेको छ ।
समीक्षा अवधिमा फाईनान्सले १० करोड ७१ लाख रुपैयाँ खुद ब्याज आम्दानी गरेको छ । यो गत वर्षको तुलनमा ९ करोड २३ लाख रुपैयाँले धेरै हो । गत वर्षको यसै अवधिमा फाइनान्सले एक करोड ४८ लाख रुपैयाँ मात्र खुदब्याज आम्दानी गरेको थियो ।
समस्या ग्रस्त संस्थाबाट मुक्त भएको फाइनान्सले खराब कर्जा असुलीलाई जोड दिएको देखिन्छ । फाइनान्सले यस त्रैमासमा ९ करोड ४६ लाख रुपैयाँ खराब कर्जा असुल गरेको छ । गत वर्ष फाइनन्सले तीन करोड ८९ लाख रुपैयाँ खराव कर्जा फिर्ता गरेको थियो ।
फाइनान्सको खराब कर्जा अनुपातमा उल्लेख्य रुपमा सुधार भएको छ । फाइनान्समा ५८.२० प्रतिशतको अनुपातमा रहेको निष्कृय कर्जा १६.९५ प्रतिशतमा झरेको छ र यद्यपि फाइनान्सले खराब कर्जा अनुपातको मात्र सुधार गर्नु पर्ने देखिन्छ ।
फाइनान्सको प्रतिशेयर आम्दानी ९ रुपैयाँ ५४ पैसा छ भने प्रतिशेयर नेटवर्थ ८७ रुपैयाँ ४ पैसा छ । मूल्य आम्दानी अनुपात १०.२ गुणा बढी छ ।
