प्रोग्रेशिभ फाइनान्स नोक्सानीबाट नाफामा

Apr 30, 2019 Merolagani

प्रोग्रेशिभ फाइनान्स (PROFL) ले चालु आर्थिक वर्षको तेस्रो त्रैमासमा दुई करोड ९१ लाख रुपैयाँ खुद नाफा कमाएको छ । गत वर्षको यसै अवधिमा फाइनान्स ९७ लाख ११ हजार रुपैयाँ नोक्सानीमा थियो ।

फाइनान्सले खुद ब्याज आम्दानीमा १२० प्रतिशतको वृद्धि सँगै खराब कर्जा वापतको तीन करोड ४ लाख रुपैयाँ असुली गर्दा नोक्सानीबाट नाफामा गएको हो ।

चुक्ता पूँजी ७१ करोड २१ लाख रुपैयाँ रहेको फाईनान्सको जगेडा कोषमा चार करोड २५ लाख रुपैयाँ सञ्चित छ ।

चैत्र मसान्तसम्ममा ८२ करोड ७२ लाख रुपैयाँ निक्षेप संकलन गरेको फाइनान्सले ८८ करोड ४४ लाख रुपैयाँ कर्जा प्रवाह गरेको छ ।

समीक्षा अवधिमा ४ करोड १२ लाख रुपैयाँ खुद ब्याज आम्दानी गरेको छ । यो गतवर्षको तुलनामा १२० प्रतिशतले बढी हो । गत वर्षको यसै अवधिमा फाइनान्सले एक करोड ८७ लाख रुपैयाँ खुद ब्याज आम्दानी गरेको थियो ।

फाइनन्समा निष्कृय कर्जा अनुपात ३.३९ प्रतिशत छ । फाइनान्सको प्रतिशेयर आम्दानी ४ पैयाँ १० पैसा छ भने प्रतिशेयर नेटवर्थ १०५ रुपैयाँ ९७ पैसा छ । मूल्य आम्दानी अनुपात ३०.१ गुणाले बढी छ ।


comments powered by Disqus

आईपीओभन्दा सस्तो मूल्यमा छानीछानी किन्नुहोस् १७ कम्पनीको शेयर

Aug 25, 2019 07:42 PM

- दीप थापा।
शेयर बजार परिसूचक निरन्तर घटेर तल्लो बिन्दुमा झर्दा १७ सूचीकृत कम्पनीहरुको शेयरमूल्य घटेर आईपीओभन्दा सस्तो मूल्यमा झरेको छ। शेयरमूल्य घटेर आईपीओ भन्दा तल झर्दा लगानीकर्तालाई दोस्रो बजारबाट छानीछानी शेयर खरीद गर्ने अवसर प्राप्त भएको छ।