यस त्रैमासको वित्तीय विवरण अनुसार सम्भावित जोखिम बापतको व्यवस्थापनमा आएको बढोत्तरी, कर्मचारी खर्च र उच्च रुपमा सञ्चालन खर्च बढे पछि फाइनान्सले नोक्सानी व्यर्होनु परेको देखिन्छ ।
चुक्ता पूँजी २३ करोड ६८ लाख रुपैयाँ छ । यस त्रैमासमा फाइनान्सको जगेडा कोष ११ करोड ७४ लाख रुपैयाँले नोक्सानीमा छ । गत वर्ष ७ करोड १९ लाख रुपैयाँले नोक्सानीमा थियो ।
चैत मसान्तसम्ममा ३१ करोड २२ लाख रुपैयाँ निक्षेप संकलन गरेको फाइनान्सले ४८ करोड ६२ लाख रुपैयाँ कर्जा परिचालन गरेको छ । यस अवधिमा फाइनान्सले ८० लाख ७० हजार रुपैयाँ खुद ब्याज आम्दानी गरेको छ । गत वर्ष फाइनान्सले ९५ लाख ६७ हजार रुपैयाँ खुद ब्याज आम्दानी गरेको थियो ।
फाइनान्सले खराब कर्जामा समेत खासै सुधार गर्न सकेको छैन । गत वर्षको तेस्रो त्रैमासमा ७८.७८ प्रतिशत रहेको फाइनान्सको निष्कृय कर्जा अनुपात ७५.३३ प्रतिशतमा झरेको छ ।
फाइनान्सको प्रतिशेयर आम्दानी १७ रुपैयाँ ६७ पैसाले नोक्सानीमा छ भने प्रतिशेयर नेटवर्थ ५० रुपैयाँ ४० पैसा छ । फाइनान्सको मूल्य आम्दानी अनुपात ३३४.८२ गुणा छ ।
