नागबेली लघुवित्तको खुद नाफा दुई करोड १२ लाख

May 06, 2019 Merolagani

नागबेली लघुवित्त (NBBL) ले चालु आर्थिक वर्षको तेस्रो त्रैमासमा दुई करोड १२ लाख रुपैयाँ खुद नाफा आर्जन गरेको । गत आर्थिक वर्षको यसै अवधिको तुलनामा लघुवित्तको खुद नाफा १५.५२ प्रतिशत अर्थात २८ लाख रुपैयाँले सुधार भएको हो ।

गत वर्ष लघुवित्तले एक करोड ८३ लाख रुपैयाँ खुद नाफा आर्जन गरेको थियो । लघुवित्तको खुद ब्याज आम्दानीमा सुधार गर्दा नाफा बढेको हो । 

चुक्ता पूँजी १६ करोड ७६ लाख ७९ हजार रुपैयाँ भएको लघुवित्तको जगेडा कोषमा १० करोड ८४ लाख रुपैयाँ सञ्चित छ ।

चैत मसान्तसम्म ३० करोड दुई लाख रुपैयाँ निक्षेप संकलन गरेको लघुवित्तले ३२ करोड २९ लाख रुपैयाँ ऋण गरेर ८१ करोड ७५ लाख रुपैयाँ कर्जा परिचालन गरेको छ ।

समीक्षा अवधिमा लघुवित्तले ५ करोड ९५ लाख रुपैयाँ खुद ब्याज आम्दानी गरेको छ । यो गत वर्षको तुलनामा दुई करोड ११ लाख रुपैयाँले बढी हो । गत वर्ष लघुवित्तले तीन करोड ८३ लाख रुपैयाँ खुद ब्याज आम्दानी गरेको छ ।

लघुवित्तको निष्कृय कर्जा अनुपातमा भने बढेको छ । लघुवित्तको निष्कृय कर्जा अनुपात ४.२८ प्रतिशत पुगेको छ । गत चैतमा यस्तो अनुपात ३.७६ प्रतिशत थियो।

लघुवित्तको प्रतिशेयर आम्दानी १२ रुपैयाँ ६७ पैसा छ भने प्रतिशेयर नेटवर्थ १३९ रुपैयाँ ३३ पैसा छ । मूल्य आम्दानी अनुपात ४७.९९ गुणा बढी छ ।


comments powered by Disqus

आईपीओभन्दा सस्तो मूल्यमा छानीछानी किन्नुहोस् १७ कम्पनीको शेयर

Aug 25, 2019 07:42 PM

- दीप थापा।
शेयर बजार परिसूचक निरन्तर घटेर तल्लो बिन्दुमा झर्दा १७ सूचीकृत कम्पनीहरुको शेयरमूल्य घटेर आईपीओभन्दा सस्तो मूल्यमा झरेको छ। शेयरमूल्य घटेर आईपीओ भन्दा तल झर्दा लगानीकर्तालाई दोस्रो बजारबाट छानीछानी शेयर खरीद गर्ने अवसर प्राप्त भएको छ।