नेपाल सेवा लघुवित्तको ९ महिनाको नाफा १३ लाख

May 14, 2019 Merolagani

नेपाल सेवा लघुवित्तले चालु आथिक वर्षको तेस्रो त्रैमासमा १३ लाख ६ हजार रुपैयाँ खुद नाफा कमाएको छ । गत आर्थिक वर्षको यसै अवधिको तुलनामा लघुवित्तको खुद नाफा ७ लाख ८० हजार रुपैयाँले धेरै हो ।

गत वर्ष लघुवित्तले ५ लाख २६ हजार रुपैयाँ खुद नाफा आर्जन गरेको थियो । जोखिम व्यवस्थापनको लागि धेरै रकम खर्चिदा लघुवित्तको नाफा अपेक्षित रुपमा वृद्धि हुन नसकेको हो ।

चुक्ता पूँजी ६ करोड रुपैयाँ रहेको लघुवित्तको जगेडा कोषमा ४७ लाख २५ हजार रुपैयाँ सञ्चित छ ।

चैत मसान्तसम्ममा ६ करोड ६२ लाख रुपैयाँ निक्षेप संकलन गरेको लघुवित्तले २३ करोड ५७ लाख रुपैयाँ अरु बैंक तथा वित्तिय संस्थाबाट ऋण गरेर ३६ करोड ८० लाख रुपैयाँ ऋण प्रवाह गरेको छ ।

यस अवधिमा लघुवित्तले एक करोड ७२ लाख रुपैयाँ खुद ब्याज आम्दानी गरेको छ । गत वर्ष लघुवित्तले एक करोड २८ लाख रुपैयाँ खुद ब्याज आम्दानी गरेको थियो ।लघुवित्तको निष्कृय कर्जा अनुपात २.७७ प्रतिशत छ ।

 


comments powered by Disqus

शेयर बजारको जानकारी अब 'एसएमएस' बाट पनि

Oct 17, 2019 08:29 PM

नेपाल स्टक एक्सचेञ्जको वेवसाइट, विभिन्न समाचार माध्यमका अलावा अब शेयर बजारबाट आफूले लिन चाहेको जानकारी एसएमएसबाट पनि प्राप्त गर्न सकिने भएको छ। शेयर बजारका लगानीकर्तालाई लगानी योजना बनाउन सजह हुने उदेश्यले मेरोलगानी डटकमले तोकिएको शुल्क तिरेर एसएमएस सेवा प्रदान गर्न थालेको हो।