गत आर्थिक वर्षको यही अवधिमा २ करोड १६ लाख रुपैयाँ खुद नाफा कमाएको बैंकले खुद नाफा १ करोड २७ लाख रुपैयाँले बढाएर ३ करोड ४३ लाख रुपैयाँ पुर्याएको हो ।
बैंकको आम्दानी बढ्दा खुद नाफामा सुधार भएको हो । गत वर्षको यही अवधिमा २ करोड ४५ लाख रुपैयाँ मात्रै आम्दनी गरेको बैंकले यस अवधिमा ३ करोड ८२ लाख रुपैयाँ आम्दानी गरेको हो ।
यस अवधिमा बैंकले ३ अर्ब ३७ करोड २८ लाख रुपैयाँ निक्षेप संकलन गरी ३ अर्ब १२ करोड ५६ लाख बराबरको रकम कर्जा परिचालन गरेको छ ।
बैंकले ३१ करोड ७१ लाख ब्याज आम्दानी र १९ करोड ५२ लाख ब्याज खर्च गरी १२ करोड १९ लाख खुद ब्याज आम्दानी गरेको छ । गत वर्षको यसै अवधिमा बैंकले ८ करोड ७० लाख खुद ब्याज आम्दानी गरेको थियो ।
चुक्ता पूँजी ५३ करोड १६ लाख रहेको बैंकको जगेडा कोषमा ५३ करोड १६ लाख रुपैयाँ, संचित छ ।
यस अवधिमा बैंकको खराब कर्जा अनुपात ३.२८ बाट १.०९ प्रतिशत झरेको छ । बैंकको प्रतिशेयर आम्दानी ८ रुपैयाँ ६२ पैसा, प्रतिशेयर नेटवर्थ १११ रुपैयाँ २३ पैसा र मूल्य आम्दानी अनुपात १६.८२ गुणा बढी छ ।