कम्पनीले निष्काशन गर्न लागेको एक करोड ६० लाख कित्ता आईपिओलाई इक्रा नेपालले ‘ इक्रा एनपि आईपिओ ग्रेड २’ रेटिङ्ग प्रदान गरेको छ।
इक्रा नेपालले प्रदान गरेको ग्रेड २’ रेटिङ्गले कम्पनीको वित्तीय अवस्थाको पक्ष औसत आधारभुत भन्दा माथि रहेको जनाउँछ ।
कम्पनीको जेठ ३१ गते चौथो वार्षिक साधारण सकिएपछि आईपिओ निष्काशनको थप प्रकृया अघि बढेको हो । यस अघि नै कम्पनीले शेयर निष्काशनका लागि आरबिबि मर्चेण्ट बैंकिङ्ग लिमिटेडलाई धितोपत्र निष्काशन तथा बिक्री प्रबन्धकमा नियुक्त गरी सकेको छ ।
नेपाल पुनर्बीमा कम्पनीको अधिकृत पूँजी १५ अर्ब, जारी पूँजी १० अर्ब, र चुक्ता पूँजी ८ अर्ब ४० करोड रहेको छ। सर्वसाधारणलाई शेयर निष्काशन गरी बाँडफाँड गरे पश्चात कम्पनीको चुक्ता पूँजी १० अर्ब पुग्नेछ ।
कम्पनी राजिष्ट्रार र धितोपत्र बोर्डबाट स्वीकृति पाएपछि आईपिओ जारी हुने पुर्नबीमा कम्पनीले जनाएको छ ।