यस्तै लघुवित्तले कमाई सँगसँगै जगेडा कोष पनि मजबुत बनाउँदै लगेको छ। १५ करोड ८ लाख ८३ हजार रुपैयाँ चुक्ता पूँजी रहेको लघुवित्तको जगेडा कोषमा २४ करोड १२ लाख सञ्चित छ।
अघिल्लो आवको यसै अवधिमा कम्पनीसँग १२ करोड २८ लाखको जगेडा कोष रहेकामा एक वर्षको अवधिमा संस्थाले जगेडा कोषमा पनि झण्डै दोब्बर बढाएको हो।
संस्थाले अघिल्लो आर्थिक वर्षको तुलनामा गत आर्थिक वर्षमा खुद मुनाफा ५३.२८ प्रतिशतले बढाएको छ। बैंकले गत असार सम्ममा १३ करोड १४ लाख ५४ हजार रुपैयाँ नाफा कमाएको छ । जुन अघिल्लो बर्षको भन्दा ४ करोड ५६ लाख बढी हो। अघिल्लो वर्ष नेशनलले ८ करोड ५७ लाख कमाएको थियो।
कम्पनीको संचालन मुनाफा, खुद ब्याज आम्दानी, अन्य संचालन आम्दानी तथा नियमित कारोबारको कमाईमा आएको सुधारले नाफा बढेको हो।
खराब कर्जाको अनुपात केही बढ्दा पनि कम्पनीको नोक्सानी व्यवस्था बढेको छ । उसको खराब कर्जा ०.९२ बाट १.४३ प्रतिशतमा बढेको छ । जसले सम्भावित जोखिम व्यवस्थापनमा ३ करोड १७ लाख व्यवस्था गरेकोे छ।
१ अर्ब २८ करोड निक्षेप संकलन र २ अर्ब २८ करोड कर्जा सापटी लिएको माइक्रोफाइनान्सले ३ अर्ब ६६ करोड कर्जा परिचालन गरेको छ । जसबाट कम्पनीको खुद ब्याज आम्दानी साढे ५४ प्रतिशतले बढेर दुई करोड ६६ लाख आर्जन गरेको छ।
