नेशनल लघुवित्तको नाफामा दबाब, प्रतिशेयर आम्दानीमा भारी गिरावट

Aug 15, 2023 12:23 PM Merolagani

नेशनल लघुवित्त वित्तीय संस्था लिमिटेड(NMFBS)ले गत आर्थिक वर्षको चौथो त्रैमाससम्मको अपरिष्कृत वित्तीय विवरण प्रकाशित गरेको छ । सार्वजनिक भएको विवरण अनुसार लघुवित्तको खुद नाफा अघिल्लो आर्थिक वर्षको सोही अवधिको तुलनामा घटेको छ ।

गत आर्थिक वर्षमा लघुवित्तले २१ करोड ५१ लाख रुपैयाँ खुद नाफा कमाएको छ । यो अघिल्लो आर्थिक वर्षको सोही अवधिको तुलनामा ४०.३६ प्रतिशत कम हो। अघिल्लो आर्थिक वर्षको सोही अवधिसम्ममा लघुवित्तले ३६ करोड ७ लाख रुपैयाँ खुद नाफा कमाएको थियो । ब्याज आम्दानीसँगै सञ्चालन आम्दानीमा संकुचन आउदा लघुवित्तको खुद नाफा दबाब पुगेको हो ।

यस अवधिमा लघुवित्तको सञ्चालन आम्दानी ४०.३४ प्रतिशतले घटेर ३० करोड ७३ लाख रुपैयाँमा खुम्चिएको छ । समीक्षा अवधिमा लघुवित्तको खुद ब्याज आम्दानी ०.६० प्रतिशतले घटेको छ । लघुवित्तको इम्पेरमेन्ट चार्ज ४ करोड ९८ लाख रुपैयाँ पुगेको छ । त्यसैगरी लघुवित्तको वितरणयोग्य मुनाफा १६ करोड ७८ लाख रुपैयाँ रहेको छ ।

एक अर्ब ८ करोड ४२ लाख रुपैयाँ चुक्ता पूँजी रहेको लघुवित्तको जगेडा कोषमा ९६ करोड ३६ लाख रुपैयाँ सञ्चित छ । असार मसान्तसम्ममा लघुवित्तले चार अर्ब ५२ करोड ३९ लाख निक्षेप संकलन गरेको छ भने अन्य बैंक तथा वित्तीय संस्था मार्फत सापटी गरेर १६ अर्ब ६५ करोड ९० लाख रुपैयाँ कर्जा लगानी गरेको छ ।

यस अवधिमा लघुवित्तको खराब कर्जा अनुपात बढेको देखिन्छ । समीक्षा अवधिमा लघुवित्तको निष्क्रिय कर्जा अनुपात ३.५३ प्रतिशत पुगेको छ । नाफासँगै लघुवित्तको प्रतिशेयर आम्दानीमा भारी गिरावट भएको छ । समीक्षा अवधिमा लघुवित्तको प्रतिशेयर आम्दानी ६१ रुपैयाँ ४८ पैसाबाट घटेर १९ रुपैयाँ ८४ पैसा कायम भएको छ । लघुवित्तको प्रतिशेयर नेटवर्थ २०८ रुपैयाँ ७२ पैसा रहेको छ ।

comments powered by Disqus

२२२ रुपैयाँको लागि बालेन र राजेन्द्र लिङदेनबीच चर्काचर्की, निर्णय फिर्ता नलिए बालेन विरुद्ध अदालत जाने लिङदेनको चेतावनी

Apr 15, 2024 06:13 PM

 भनिन्छ, व्यक्तिगत ‘इगो’ भयो भने मानिस जस्तोसुकै सानो घटनालाई पनि प्रतिष्ठाको विषय बनाउँछ र अर्काे पक्षको विरुद्ध जाइलाग्छ । काठमाडाैं महानगरपालिकाका प्रमुख बालेन्द्र साह (बालेन) र राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङदेनबीच शुरु भएको २२२ रुपैँयाको विवादले त्यही कुरालाई पुष्टि गरेको छ ।