बैंकले प्रकाशित गरेको गत बर्षको चौथो त्रैमासको बित्तीय विवरण हेर्दा बैंकले आफ्नो जोेखिमको पक्षलाई कम गराई क्रमबद्ध प्रगतिमा ध्यान दिएको देखिन्छ ।
नेपाल एसबीआई बैंक सानिमा बैंक भन्दा पछि निस्क्रिय कर्जा कम भएको बैंकको रुपमा आफुलाई स्थापित गर्ने दिशामा देखिन्छ । उसले निक्षेप संकलनका साथै कर्जा प्रबाह बढाएर लगे पनि निस्क्रिय कर्जा अनुपात बढ्न दिएको छैन । बैंकका नियमति आम्दानीहरु बढेर जाँदा त्यसको असर खुद नाफामा परेको छ र प्रतिशेयर आम्दानी समेत बढेको देखिएको छ ।
