गत आर्थिक वर्षमा लघुवित्तले ४९ करोड १० लाख २४ हजार रुपैयाँ खुद मुनाफा आर्जन गरेको छ । जुन अघिल्लो आर्थिक वर्षको तुलनामा २४.९२ प्रतिशत अर्थात ९ करोड ७९ लाख रुपैयाँले धेरै हो।
अघिल्लो आवमा लघुवित्तको खुद नाफा ३९ करोड ३० लाख ६३ हजार रुपैयाँ खुद नाफा आर्जन गरेको थियो । अघिल्लो आवमा लघुवित्तको प्रतिशेयर आम्दानी ५० रुपैयाँ रहेको थियो।
लघुवित्त कम्पनीहरुलाई थोक कर्जा प्रवाह गर्ने यस लघुवित्तले अघिल्लो आवको तुलनामा बैंक तथा वित्तीय संस्थाहरुबाट लिने सापटी रकम १२ प्रतिशतले वृद्धि गरी १५ अर्ब ६५ करोड निक्षेप सापटी लिएको छ। यस्तै कम्पनीले कर्जा लगानी २१ प्रतिशतले बढाएको छ। असार मसान्तसम्ममा २० अर्ब ४५ करोड रुपैयाँ कर्जा लगानी गरेको छ ।
लघुवित्तको खुद ब्याज आम्दानी २२ प्रतिशत धेरैले वृद्धि भई ९१ करोड ८९ लाख आर्जन गरेको छ । अघिल्लो आवमा खुद ब्याज आम्दानी ७५ करोड १० लाख थियो ।
ब्याज आम्दानीमा सुधार र सञ्चालन मुनाफामा बढोत्तरी हुदाँ लघुवित्तको खुद नाफा बढेको हो।लघुवित्तको सञ्चालन नाफा २५ प्रतिशतले बढेर ७७ करोड ६ लाख रुपैयाँ पुगेको छ ।
संस्थाको खराब कर्जा अनुपात ०.०८ प्रतिशत, निक्षेप संकलन लागत ५.९०, प्रतिशेयर नेटवर्थ ३१३ रुपैयाँ ५६ पैसा र मूल्य आम्दानी अनुपात १५.१८ गुणा छ । चुक्ता पूँजी ७८ करोड ६० लाख रुपैयाँमा स्थिर रहेको लघुवित्तको जगेडा कोषमा ४१ प्रतिशतले सुधानर भई एक अर्ब ६७ करोड रुपैयाँ सञ्चित छ ।
