महुली लघुवित्तको मर्जर समिति गठन, तीन महिनाभित्र प्रतिवेदन पेश गर्न कार्यादेश

Sep 09, 2019 10:44 AM Merolagani

महुली लघुवित्त वित्तीय संस्था (MSLB) ले पनि मर्जरमा जान मर्जर समिति गठन गरेको छ। कम्पनीको भदौ २० गते शुक्रबार बसेको सञ्चालक समितिको बैठकले अन्य लघुवित्त वित्तीय संस्थालाई आफुमा गाभ्न तथा गाभिन आवश्यक छलफल तथा गृहकार्य गर्नको लागि मर्जर समिति गठन गरेको हो।

कम्पनीले सञ्चालक भानुभक्त निरौलाको संयोजकत्वमा तीन महिनाभित्र प्रतिवेदन पेश गर्ने गरी ३ सदस्यीय मर्जर समिति गठन गरेको हो। मर्जर समितिको सदस्यमा केशव प्रसाद भण्डारी र सदस्य सचिवमा रोसन कुमार मण्डर रहेको कम्पनीले जनाएको छ।

राष्ट्र बैंकले मौद्रिक नीति मार्फत लघुवित्त कम्पनीहरुलाई समेत मर्जरको लागि प्रोत्साहन गर्न विभिन्न छुट तथा सुविधाहरु ल्याएको छ। राष्ट्र बैंकको मर्जर नीति अनुसार नै हाल अघिकांश लघुवित्त कम्पनीहरुले मर्जरको बाटो रोज्न थालेका छन्।

सप्तरीमा केन्द्रीय कार्यालय रहेको महुली लघुवित्तको चुक्ता पूँजी १० करोड २० लाख रुपैयाँ छ। 


comments powered by Disqus

चार दर्जन बढी कम्पनीले एकैदिन वित्तीय विवरण प्रकाशन गर्दा लगानीकर्तालाई तनाव

Nov 15, 2019 06:28 PM

शेयर बजारमा सूचीकृत कम्पनीहरु कतिसम्म गैरजिम्मेवार छन् भने उनीहरुले प्रकाशन गर्ने त्रैमाशिक वित्तीय विवरण लगानीकर्ता र सरोकारवालाहरुलाई जानकारी दिन हैन, नियमनकारी निकायले तोकेको नियम पूरा गर्न झाराटार्ने नियतले हुने गरेको छ।