Thu, Apr 25, 2024
सिद्धार्थ बैंकको नेपाल स्टक एक्सचेञ्ज (नेप्से) मा असोज २९ गते शेयरमूल्य समायोजन भएको छ । गत आर्थिक वर्षको मुनाफाबाट बैंकले घोषणा गरेको बोनसको बुकक्लोजसँगै बुधबार बैंकको शेयरमूल्य समायोजन भएको हो।
नेप्सेले बैंकको १० प्रतिशत बोनस समायोजन गरि प्रतिकित्ता ३०७ रुपैयाँ २७ पैसा समायोजित शेयरमूल्य निर्धारण गरेको छ । बुधबार समायोजित मूल्यलाई आधार मानेर बैंकको शेयर कारोबार खुल्नेछ।
मंगलबार बैंकको ३३८ रुपैयाँमा शेयर कारोबार बन्द भएको थियो।
कात्तिक ७ गते आह्वान गरेको साधारण सभा र लाभांश वितरण प्रयोजनका लागि बैंकले बुधबारदेखि बुकक्लोज गरेको हो ।
बैंकको भदौ ३० गते बसेको संचालक समितिको ३२३ औं बैठकले गत आर्थिक वर्ष २०७५/०७६ मुनाफाबाट १० प्रतिशत अर्थात ८८ करोड ५७ लाख रुपैयाँ बोनस र करसहित १५.२६ प्रतिशत नगद अर्थात एक अर्ब ३५ करोड ६५ लाख रुपैयाँ गरी कूल २५.२६ प्रतिशत लाभांश प्रस्ताव गरेको थियो।
कतारका राजा (अमिर) शेख तमिम बिन हमाद अल थानी आज नेपाल आउँदै छन् । शेख तमिम इब्न हमाद अल थानी कतारका शासक र धनाढ्य हुन् । यसका साथै उनी अरबका सबैभन्दा धनी व्यक्तिहरू मध्येका एक हुन्।
