युनाइटेड इन्स्योरेन्सको लिलामीको शेयरको बोलपत्र आज खुला हुने

Dec 09, 2019 09:20 AM Merolagani

युनाइटेड इन्स्योरेन्स (UIC) ले मंसिर १० गतेदेखि १७ सम्म बिक्रीमा ल्याएको ४ लाख ९९ हजार १९२.६० कित्ता अवितरित हकप्रद शेयरको बोलपत्र आज (मंसिर २३ गते सोमबार) खुला हुँदैछ।

बिक्री प्रबन्धक एनएमबि क्यापिटलको कार्यालय, नागपोखरीमा दिउँसो २ बजे लिलामी शेयरको बोलपत्र खुला गरिने जनाइएको छ। इन्स्योरेन्सले यसअघि भदौ ३ गतेदेखि असोज २३ गतेसम्म निष्कासन गरेको हकप्रद शेयरमा बिक्री नभएको उक्त शेयर लिलामीमा ल्याइएको हो।

उक्त लिलामी शेयरमा न्यूनतम १०० कित्ताका लागि गोप्य शिलबन्दी बोलपत्र आवेदन पेश गर्न सकिने व्यवस्था रहेको थियो भने प्रतिकित्ता न्यूनतम १०० रुपैयाँदेखि प्रतिस्पर्धात्मक मूल्यमा आवेदन खुला गरिएको थियो।

इन्स्योरेन्सको साधारण शेयर नेप्सेमा नियमित कारोबार भैरहेको छ। तर संस्थापक शेयर भने नेप्सेमा साधारण शेयर जसरी खरीद बिक्री हुने गरेको छैन।


comments powered by Disqus

ग्लोबल आइएमईकाे एक्सटेन्सन काउण्टर घोराहीमा

Aug 09, 2020 09:21 PM

ग्लोबल आइएमई बैंकले (GBIME) दाङको घोराहीमा नयाँ एक्सटेन्सन काउण्टर सञ्चालनमा ल्याएको छ । मालपोत कार्यालय, घोराहीका प्रमुख विनोद कुमार पौडेलले बैंकको ४०औँ एक्सटेन्सन काउण्टरको उद्घाटन गरेका हुन् ।