बैंकको माघ २३ गते बसको सञ्चालक समितिको बैठकले २ प्रतिशत बोनस र कर सहित ४.७५ प्रतिशत नगद गरी कुल ६.७५ प्रतिशत लाभांश वितरण गर्ने प्रस्ताव गरेको हो।
यस अनुसार बैंकले १६ करोड ८३ लाख र ३९ करोड ९७ लाख रुपैयाँ नगद लाभांश वितरण गर्ने छ ।
अधिकाँश वाणिज्य बैंकहरुले साधारणसभा सम्पन्न गरी शेयरधनीको खातामा लाभांश पठाइसकेको अवस्थामा सेञ्चुरी कमर्सियल बैंकले भने बल्ल लाभांश प्रस्ताव गरेको छ।
हाल ८ अर्ब ४१ करोड रुपैयाँ चुक्ता पूँजी रहेको बैंकको २ प्रतिशत बोनस शेयर वितरणपश्चात पूँजी ८ अर्ब ५८ करोड रुपैयाँ पुग्नेछ ।
प्रस्तावित लाभांश राष्ट्र बैंकको स्वीकृती र बैंकको आगामी साधारण सभाले पारित गरेपछि शेयरधनीले पाउनेछन्।
अघिल्लो आर्थिक बर्षमा बैंकले २ प्रतिशत बोनस र ४.५० प्रतिशत नगद लाभांश वितरण गरेको थियो।
