लघुवित्त क्षेत्रको हालसम्मकै ठूलो आईपीओ निष्काशन गर्ने तयारीमा रहेको एनआईसी एशिया लघुवित्तको प्रगतिउन्मुख विवरण

Feb 20, 2020 09:23 AM Merolagani

लघुवित्त क्षेत्रको हालसम्मकै ठूलो आईपीओ निष्काशन गर्ने तयारीमा रहेको एनआईसी एशिया लघुवित्तले चालु आर्थिक वर्षको दोस्रो त्रैमाससम्मको अपरिष्कृत वित्तीय विवरण सार्वजनिक गरेको छ। विवरण अनुसार लघुवित्तको अधिकांश सूचकहरुमा सुधार भएको छ।

चालु आर्थिक वर्षको दोस्रो त्रैमाससम्ममा ११ करोड १२ लाख रुपैयाँ खुद नाफा आर्जन गरेको छ। यो गत आर्थिक वर्षको यसै अवधिको तुलनामा ५ करोड ३५ लाख रुपैयाँ अर्थात ९२.८२ प्रतिशत बढी हो। गत आर्थिक वर्षको यसै अवधिसम्ममा लघुवित्तले ५ करोड ७७ लाख रुपैयाँ खुद नाफा कमाएको थियो।

लघुवित्तको खुद ब्याज आम्दानी र सञ्चालन मुनाफा बढेसँगै खुद नाफा बढ्न पुगेको हो। पुस मसान्तसम्ममा ७९ करोड ४९ लाख रुपैयाँ निक्षेप तथा ४ अर्ब ७ करोड ५१ लाख रुपैयाँ सापटीबाट ५ अर्ब ३४ करोड ८० लाख रुपैयाँ कर्जा लगानी गरेको यस लघुवित्तले सो अवधिसम्ममा २२ करोड ४ लाख रुपैयाँ खुद ब्याज आम्दानी गरेको छ। यो गत आर्थिक वर्षको यसै अवधिको तुलनामा ९ करोड २ लाख रुपैयाँ बढी हो। समीक्षा अवधिमा लघुवित्तको सञ्चालन मुनाफा ७ करोड ४९ लाख रुपैयाँ बढेर १६ करोड २६ लाख रुपैयाँ पुगेको छ।

१ अर्ब ४५ लाख रुपैयाँ चुक्ता पूँजी रहेको यस लघुवित्तको जगेडा कोषमा २१ करोड ८८ लाख रुपैयाँ सञ्चित छ। लघुवित्तले ४७ करोड ५५ लाख रुपैयाँ बराबरको ४७ लाख ५५ हजार कित्ता आईपीओ निष्काशन गर्न नेपाल धितोपत्र बोर्डमा आवेदन दिएको छ। लघुवित्तले निष्काशन गर्न लागेको यो आईपीओ लघुवित्त क्षेत्रको हालसम्मकै ठूलो आईपीओ हो।

सो आईपीओलाई केयर रेटिङ्गस् नेपालले औषतभन्दा कम आधार जनाउने ग्रेड ४ प्लस रेटिङ्ग दिएको छ। जाजरकोटको खलंगामा केन्द्रीय कार्यालय स्थापना गरी २०७४ मंसिर १२ गतेदेखि सञ्चालनमा आएको यस लघुवित्तले गत मंसिर २३ गते सम्पन्न दोस्रो वार्षिक साधारण सभामार्फत आईपीओ निष्काशनको प्रस्ताव पारित गरेको थियो।


comments powered by Disqus

कोरोना भाइरसबाट अमेरिका सबैभन्दा धेरै प्रभावित, २४ घण्टामा १४८० को मृत्यु, ३२ हजारभन्दा धेरै संक्रमित

Apr 04, 2020 02:35 PM

कोरोना भाइरसको त्रास पूरै दुनियाँमा रहेको छ । विश्वको सबैभन्दा शक्तिशाली देश अमेरिकालाई पनि यसले घुँडा टेक्न बाध्य बनाएको छ । अमेरिकाको स्थिति झन् बिग्रदै गएको छ ।