हाइड्रोपावरले जारी गर्न लागेको आइपीओलाई केयर नेपालले ग्रेड ४ प्लस रेटिङ्ग प्रदान गरेको हो जसले कम्पनीओ अवस्था औषतभन्दा कमजोर रहेको देखाउछ।
८.८ मेगावाटको रुदी खोला 'ए' र ६.६ मेगावाटको रुदी खोला 'बी' जलविद्युत आयोजना निर्माण गरिरहेको हाइड्रोपावरले आइपीओ जारी गर्न विद्युत नियमन आयोगबाट अनुमति पाइसकेको छ भने धितोपत्र बोर्डमा समेत अनुमति माग्दै आवेदन दिइसकेको छ।
बोर्डबाट अनुमति पाएपछि कम्पनीले एक सय रुपैयाँ अंकित दरका १० लाख कित्ता शेयर आयोजना प्रभावित क्षेत्रका स्थानीयलाई र बाँकी १५ लाख कित्ता शेयर सर्वसाधारणमा बिक्री गर्नेछ।
शेयर निष्काशन तथा बिक्री प्रबन्धक सानिमा क्यापिटल लिमिटेड रहेको उक्त कम्पनीको दुवै आयोजनाको औसत प्रतिमेगावाट लागत १७ करोड ५० लाख रुपैयाँ रहेको छ।