लगानीकर्ता संगठन नेतृत्व टोलीले कारोबार बन्द गराउनु पर्ने भन्दै सीईओ साउदसंग छलफल गरेको थियो। छलफलको क्रममा साउदले बजार बन्द गर्नको लागि माथि (नियमन निकाय सेबोन) बाट लिखितपत्र नआएको भन्दै कारोबार बन्द गर्न नसकिने जवाफ दिएकाे नेपाल इन्भेष्टर फोरमका अध्यक्ष छोटेलाल रौनियारले जानकारी गराए। प्रधानमन्त्री सम्बोधन अनुसार स्वतः कराेबार बन्द हुनुपर्ने हाे। तर नेप्सेका सीइओ साउदलाई स्वार्थी समूहले परिचालन गरेर आजको कारोबार खुलाएको । यसको क्षतिपूर्ती नेप्सेले व्यहोनुपर्छ, उनले भने ।
यता नेप्सेले भने बोर्डको निर्देशन आए भोलि सोमबारदेखि बजार बन्द गर्न सकिने जनाउदै आजको दिन भने कारोबार खुल्ला रहने जनाएको छ। सेबोनले बजार बन्द गर्ने वा नगर्ने भन्नेबारे कुनै स्पष्ट निर्देशन नदिएपछि शेयर कारोबार खुलिरहेको छ।
आइतबारको शेयर बजार खुलाउने कि बन्द गर्ने भन्नेबारे नेप्से पदाधिकारी र लगानीकर्ताहरूबीच वादविवाद हुँदा केही समय परिस्थिति उत्तेजित बनेको थियो।
