कुमारीले आफ्नो केन्द्रिय कार्यालय, नक्सालमा बिहान ११ बजे विशेष साधारणसभा बोलाएको छ भने देवःले केन्द्रीय कार्यालय लालदरबार, काठमाडौंमा बिहान ११ बजे १३ औं वार्षिक साधारण सभा बोलाएको छ।
कुमारीले प्राप्ति प्रयोजनका लागि आवश्यक सम्झौता अनुसारको स्वाप रेशियो पारित गर्ने र नियमनकारी निकायबाट कुनै निर्देशन आएमा वा देव:लाई प्राप्ति गर्न गर्नुपर्ने सम्पुर्ण कार्यको लागि सञ्चालक समितिलाई अख्तियारी प्रदान गर्ने प्रस्ताव लैजाने भएको छ।
कुमारीले विशेष साधारण सभा प्रयोजनका लागि जेठ ७ गते एक दिन बुक क्लोज गर्ने जनाएको छ।
त्यसैगरी, देवः विकास बैंकले साधारण सभामा सञ्चालक समितिले प्रस्ताव गरेको ८ दशमलव ५५ प्रतिशत बोनस शेयर वितरण गर्ने प्रस्ताव लैजान भएको छ।
त्यस्तै, कुमारी बैंकसँग गाभिने सम्बन्धमा भएको अन्तिम सम्झौतालाई पारित गर्ने र गाभ्ने गाभिने सम्बन्धमा गर्नुपर्ने सम्पुर्ण आवश्यक कार्य गर्न सञ्चालक समितिलाई अख्तियारी प्रदान गर्ने प्रताव लैजाने भएको छ।
बैंकले वार्षिक साधारण सभा प्रयोजनका लागि जेठ ५ गतेदेखि जेठ १९ गतेसम्म बुक क्लोज गर्ने जनाएको छ। कुमारी बैंकसँग गाभिने सम्झौता गरेपश्चात देव:को दोस्रो बजारमा शेयर कारोबार रोक्का रहेको छ।
हाल देवः विकास बैंकको चुक्तापूँजी ३ अर्ब १७ करोड ७१ लाख र कुमारी बैंकको चुक्तापूँजी ९ अर्ब ५५ करोड ४१ लाख ३० हजार रहेको छ।
