एक सडक निर्माण समुहले चाेमोलांग्मा शिखरको मार्गमा काम गर्न सुरु गर्ने भएको छ । मौसमले साथ दिएमा उक्त समुहले मे १२ देखि निर्माण कार्य सुरु गर्ने भएको हो ।
चीनले कोमोलांग्मा शिखरको उंचाई मापनकालागि अप्रिल ३० गते देखि सुरुवात गरेको छ ।उक्त
मापन टोलीमा प्राकृतिक संसाधन मन्त्रालय र राष्ट्रिय पर्वतारोहण टोली रहेका छन् ।यो टोलीले ग्लोबल नेविगेसन उपग्रह प्रणाली र ग्रेविमिटरको प्रयोग गरेर समुन्द्री सतहबाट सगरमाथाको सर्वेक्षण गर्ने भएको हो । यो टिम अप्रिलको सुरुवातमै आधारशिविर पुगेर सगरमाथा आरोहण र उच्च उचाइका क्षेत्रमा कसरी सर्वेक्षण गर्ने भन्ने सिकेका थिए ।
सगरमाथाको उचाइका विषयमा बारम्बार प्रश्न उठिरहेको हुन्छ । सगरमाथामा हिउँ कम हुनाले उचाइ कम हुने भन्दै नेपालले पनि हाल सर्वेक्षण गर्दैछ ।
चिनियाँ सर्वेक्षणकर्ताले सन् १९४९ यता पाँच पटक सगरमाथाको उचाइबारे अध्ययन गरेका छन् । १९७५ मा सगरमाथाको उचाइ आठ हजार ८४८.१३ मिटर र २००५ मा आठ हजार ८४४.४३ मिटर पाइएको थियो ।
केहि दिन अघि चीनको एक संचार माध्यम चाइना ग्लोबल टेलिभिजन नेटवर्कले मे २ मा ट्वीटरमा एक फोटो सार्वजनिक गर्दै विश्वको सर्वोच्च शिखर सगरमाथा चीनमा पर्ने जनाएको थियो । सामाजिक संजालमा चर्को विरोध भएपछि उक्त च्यानलले सो ट्वीट सच्चाएको थियो । यद्यपी सच्चाएको ट्वीटमा कोमोलांगमा विश्वकै सर्वोच्च शिखर हो जुन चीनको तिब्ब्त स्वायत्त क्षेत्रमा पर्दछ भनिएको थियो । यो पुर्ण सत्य नभएको भन्दै सामाजिक संजालमा विरोध भइरहेको छ ।
