यो गत आर्थिक वर्षको सोही अवधिको तुलनामा ४ करोड १७ लाख रुपैयाँ बढी हो। गत आर्थिक वर्षको चैत मसान्तसम्ममा कोषले ३३ करोड ७७ लाख रुपैयाँ खुद नाफा कमाएको थियो।
खुद नाफामा सामान्य वृद्धि भएपनि कोषको प्रतिशेयर आम्दानी भने घटेको छ। गत आवको तेस्रो त्रैमासमा ३५ रुपैयाँ रहेको कोषको प्रतिशेयर आम्दानी चालु आवको सोही अवधिमा ४ रुपैयाँ घटेर ३१ रुपैयाँमा सिमित भएको छ। चुक्ता पूँजीको तुलनामा खुद नाफा बढाउन नसक्दा कोषको प्रतिशेयर आम्दानी घटेको हो। गत आवको मुनाफाबाट कोषले २२ प्रतिशत बोनस शेयर वितरण गरेको थियो।
१ अर्ब ३४ करोड ४८ लाख रुपैयाँ चुक्ता पूँजी रहेको यस कोषको जगेडा कोषमा ७ अर्ब २४ करोड रुपैयाँ रहेको छ। कोषले चैत मसान्तसम्ममा ६० करोड रुपैयाँ नेपाल सरकारको ऋणपत्रमा, ८५ अर्ब १४ करोड रुपैयाँ मुद्दति निक्षेपमा र ८७ करोड १५ लाख रुपैयाँ लगानी गरेको छ। कोषले चैत मसान्तसम्ममा ५ करोड ७८ लाख रुपैयाँ ब्याज आम्दानी गरेको छ।
