कोषले आरएमडिसी लघुवित्त (RMDC) को २ हजार ६३२ कित्ता र ग्रामीण विकास लघुवित्त (GBLBS) को ३ हजार १९४ कित्ता संस्थापक शेयर लिलाम बिक्री गर्न लागेको हो। सो शेयर खरिदका लागि भदौ ११ गतेदेखि असोज १४ गतेसम्म शिलबन्दी बोलपत्र पेश गर्नुपर्नेछ।
आरएमडिसी लघुवित्तको न्यूनतम शेयरमूल्य प्रतिकित्ता ३९८.७५ रुपैयाँ र ग्रामीण विकास लघुवित्तको संस्थापक शेयरको न्यूनतम शेयरमूल्य १०९ रुपैयाँ ७० पैसा तोकिएको छ। बोलपत्र पेश गर्दा सो वा सोभन्दा बढी मूल्य अंकित गरी पेश गर्नुपर्नेछ। लगानीकर्ताले अधिकतममा सम्पूर्ण शेयर खरिदका लागि बोलपत्र पेश गर्न सक्नेछन्।
खरिदकर्ताले आफुले खरिद गर्न चाहेको शेयरको धरौटीबापत प्रस्तावित कुल मूल्यको १० प्रतिशतसम्मको रकम कोषको सिटिजन्स बैंकमा रहेको खाता नं. ००१०१००००२५८८२०१ मा जम्मा री सोको भौचर संलग्न गरी आवेदन दिनु पर्नेछ। शेयर खरिदका लागि छनौट हुने आवेदकले प्रस्तावित कुल रकममध्ये धरौटीबापत जम्मा गरेको रकम घटाई बाँकी रकम छनौट सूचना प्रकाशित भएको मितिले ७ दिनभित्र कोषको सोही खातामा जम्मा गरी सोको भौचर प्रशासन विभागमा पेश गर्नुपर्नेछ। यसका साथै शेयर नामसारी गर्दा खरिदकर्ताको तर्फबाट भुक्तानी गर्नुपर्ने सबै शुल्क खरिदकर्ताले नै व्यहोर्नुपर्ने कोषले जनाएको छ।
आवेदन असोज १४ गते दिउँसो ५ बजे भित्र कोषको कार्यालय गहनापोखरी, काठमाडौँमा बुझाउनु पर्नेछ। प्राप्त आवेदनहरु असोज १५ गते बिहान ११ बजे कोषको कार्यालयमा खोलिनेछ।
