लघुवित्तले अन्य दुई लघुवित्तसँग मर्जर सम्झौता गरेसँगै नेप्सेले शेयर कारोबार रोक्का गरेको हो। आरम्भ चौतारी, सिवाईसी नेपाल लघुवित्त वित्तीय संस्था र शालिग्राम लघुवित्त वित्तीय संस्था बीच एक आपसमा गाभ्ने र गाभिने (मर्जर) सम्बन्धि सहमति पत्रमा हस्ताक्षर गरेका थिए। सोही कारण आजदेखि आरम्भ चौतारीको शेयर कारोबार रोक्का गरिएको हो।
मर्जर सम्झौता गरेका शालिग्राम र सिवाईसी नेपाल लघुवित्त नेप्सेमा सूचीकृत कम्पनी होइनन्।
आरम्भ चौतारी लघुवित्त वित्तीय संस्थाको १०० कित्ता शेयर बराबर सिवाईसी नेपाल लघुवित्तको १०० कित्ता र शालिग्राम लघुवित्तको ८५ कित्ता शेयर स्वाप अनुपातमा यी तीन लघुवित्त एक आपसमा मर्ज हुन लागेका हुन्।
