नेपाल एसबिआई बैंकको आम्दानी घटेपछि खुद नाफा ४८ प्रतिशले घट्यो

Jan 31, 2021 09:03 AM Merolagani

नेपाल एसबिआई बैंक (SBI) ले चालु आर्थिक वर्षको दोस्रो त्रैमाससम्ममा खुद मुनाफा घटेको वित्तीय विवरण प्रकाशित गरेको छ। यस अवधिमा बैंकको खुद मुनाफा ४८.५५ प्रतिशत अर्थात ४८ करोड ५८ लाख रुपैयाँले घटेर ५१ करोड ४८ लाख रुपैयाँमा सीमित भएको हो।

बैंकले गत आर्थिक वर्षको दोस्रो त्रैमाससम्ममा १ अर्ब ७ लाख रुपैयाँ खुद मुनाफा कमाएको थियो।

बैंकको खुद ब्याज आम्दानी र सञ्चालन मुनाफा घटेपछि खुद नाफा प्रभावित भएको हो ।

समीक्षा अवधिमा बैंकको खुद ब्याज आम्दानी ९२ करोड १६ लाख रुपैयाँ घटेर एक अर्ब १८ करोड रुपैयाँमा सीमित भएको छ। गत आर्थिक वर्षको यहि अवधिमा बैंकको खुद व्याज आम्दानी २ अर्ब १० करोड १७ लाख रुपैयाँ रहेको थियो।

त्यसैगरी, बैंकको सञ्चालन मुनाफा पनि समीक्षा अवधिमा ६८ करोड २ लाख रुपैयाँ घटेर ७३ करोड ३१ लाख रुपैयाँमा सीमित भएको छ। गत आर्थिक वर्षको यहि अवधिमा बैंकको सञ्चालन मुनाफा १ अर्ब ४१ करोड रुपैयाँ थियो।

खुद नाफासँगै बैंकको प्रतिशेयर आम्दानीमा पनि घटेको छ। गत आर्थिक वर्षको पुस मसान्तसम्ममा २३ रुपैयाँ ६९ पैसा रहेको बैंकको यस्तो आम्दानी चालु आर्थिक वर्षको सोही अवधिसम्ममा घटेर ११ रुपैयाँ ५० पैसामा सीमित भएको छ।

चुक्ता पूँजी ८ अर्ब ९५ करोड ६२ लाख रुपैयाँ रहेको यस बैंकको जगेडा कोषमा ४ अर्ब ८३ करोड ६५ लाख रुपैयाँ र रिटेन्ड अर्निङ्गमा १ अर्ब २४ करोड ५५ लाख रुपैयाँ सञ्चित छ। यस्तै बैंककाे वितरण याेग्य मुनाफा भने १४ कराेड ११ लाख रूपैयाँ रहेकाे छ।

यस अवधिमा बैंकले १ खर्ब ३ अर्ब २४ करोड रुपैयाँ निक्षेप संकलन गरी ८८ अर्ब ५२ करोड रुपैयाँ कर्जा लगानी गरेको छ।

यस अवधिसम्ममा बैंकको प्रतिशेयर नेटवर्थ १७१ रुपैयाँ ६७ पैसा, मूल्य आम्दानी अनुपात ४०.५३ गुणा र बैंकको निष्क्रिय कर्जा अनुपात ०.१९ प्रतिशत हरको छ।

comments powered by Disqus

मर्जरमा गएका कम्पनीको कर लिएको लगानीकर्ताको आरोप, सिडिएससि भन्छ- कर लाग्दैन, ब्रोकरलाई भन्नुहाेस्

Apr 20, 2021 10:23 AM

सुवास निरौला

मर्जरमा गएका कम्पनीको समेत कर तिर्नु परेको भन्दै लगानीकर्ताले गुनासो गरेका छन्। तर त्यस्ता कम्पनीको कर नलाग्ने भन्दै सिडिएससिले स्पष्टीकरण दिएको छ।