यस दिन पनि नेप्सेले सोही गतिलाई निरन्तरता दिएको हो। यस दिन सेन्सेटिभ इण्डेक्स ५.५६ अंक घटेको छ भने फ्लोट इण्डेक्स १.३९ अंक र सेन्सेटिभ फ्लोट इण्डेक्स १.६२ अंक घटेको छ। यस दिन २१९ कम्पनीको ४४ हजार ४६२ पटकको कारोबारमा ३ अर्ब ६३ करोड ९४ लाख ६८ हजार रुपैयाँ बराबरको ९३ लाख १४ हजार कित्ता शेयर खरिदबिक्री भएको छ।
यस दिन नेप्से घटेपनि ग्लोबल आइएमई समुन्नत स्किम १ को इकाईमूल्य सकारात्मक सर्किट लेभलमा कारोबार भएको छ। योजनाले १०० प्रतिशत लाभांश वितरण गर्ने घोषणा गरेसँगै लगानीकर्ताहरु सोतर्फ आकर्षित भएका हुन्। त्यसैगरी, यस दिन सानिमा लाइफ इन्स्योरेन्सको शेयरमूल्य ७.८८ प्रतिशत बढेको छ। यस दिन महालक्ष्मी विकास बैंक र रैराङ पावरको शेयरमूल्य ८ प्रतिशतभन्दा बढी घटेको छ।
यस दिन कारोबारमा आएका १३ उपसमूहमध्ये २ उपसमूहको परिसूचक बढेको छ भने बाँकी ११ उपसमूहको परिसूचक घटेको छ। यस दिन म्युचुअल फण्ड उपसमूहको परिसूचक ०.३८ प्रतिशत र लगानी उपसमूहको परिसूचक १.०७ प्रतिशत बढेको छ। घटेको ११ उपसमूहमध्ये यस दिन व्यापार र अन्य उपसमूहको परिसूचक २ प्रतिशतभन्दा बढी घटेको छ। त्यसैगरी, विकास बैंक, जलविद्युत, वित्त र लघुवित्तको १.२६ प्रतिशत घटेको छ।
कारोबार रकमका आधारमा यस दिन नबिल बैंक शीर्ष स्थानमा रहेको छ। सो बैंकको यस दिन १७ करोड १३ लाख रुपैयाँभन्दा बढीको शेयर खरिदबिक्री भएको छ। त्यसैगरी, यस दिन हिमालयन डिष्टिलरीको करिब १७ करोडको शेयर खरिदबिक्री भएको छ।