नेप्सेका प्रवक्ता मुराहरी पराजुलीले घोषित रुपमा बन्द नगरे पनि अहिले फ्लाेरसिट बन्द गरेर प्राविधिक परिक्षण भइरहेकाे बताए ।
कारोवार समयमा नै फ्लोरसिटमार्फत् कारोवारमा संलग्न धितोपत्र दलाल व्यवसायी तथा धितोपत्र व्यापारीको क्रम संख्या खुल्ने विवरण प्रवाह हुने गरेकोमा उक्त विवरण हटाउन सुझाव तथा गुनासो आएको जनाउँदै बोर्डले फ्लोरसिट हटाउन निर्देशन दिएको थियो ।
धितोपत्र बजार संचालन नियमावली, २०६४ को नियम २७ को उपनियम (४) को प्रतिकुल नहुने गरी उक्त विवरण कारोवार समय पश्चात् प्रवाह गर्ने व्यवस्था गर्न बोर्डले नेप्सेलाई निर्देशन दिएको हो ।
