भन्सार विभागका अनुसार जेठ महिनामा १ अर्ब १२ करोड रुपैयाँ बराबरका मात्रै मोबाइल सेट नेपाल भित्रिएका छन् । गत बैशाखमा झन्डै दुई अर्ब बराबरका स्मार्टफोन नेपाल आयात भएका थिए।
सरकारले मोबाइल आयातमा प्रतिबन्ध लगाएपछि ५० प्रतिशत भन्दा बढी अवैध मोबाइल आयात हुन थालेको व्यवसायी बताउन थालेका छन् । अझ बजेट मार्फत मोबाइलमा लाग्दै आएको कर समेत बढाएपछि नेपालमा मोबाइल आयात सुस्त भएको तथ्याङ्कले देखाएको छ ।
जेठ महिनमा सवा १ अर्ब रुपैयाँका २२ हजार सेट मात्रै स्मार्ट फोन आयात भएको तथ्याङकले देखाएको छ । त्यसैगरी, मोबाइल आयात प्रतिबन्धले जेठ महिनामा १३ करोड हाराहारीमा राजस्व समेत घटेको छ ।
तथ्याङ्क अनुसार चालु आर्थिक बर्षको ११ महिनमा विभिन्न देशबाट ३८ अर्ब बराबरको ५५ हजार मोबाइल सेट नेपाल भित्रिएको छन् । बैशाख महिनासम्म भने ३६ अर्ब बराबरका मोबाइल आयात भएका थिए ।
गत आर्थिक बर्ष २०७७/०७८ मा भने ३६ अर्ब ९० करोड रुपैयाँ बराबरको ७० हजार मोबाइल सेट भित्रिएको तथ्याङ्कमा उल्लेख छ ।
नेपालमा चीन, भारत, भियतनालगायत दुई दर्जन देशहरुबाट मोबाइल आयात हुने गरेका छन् ।