भेटमा राप्रपा नेताहरु डा. प्रकाशचन्द्र लोहनी,रवीन्द्र मिश्र र धवल शमसेर सहभागी थिए । अकस्मात झापा पुगेर पूर्व राजालाई भेटे पनि याे भेटलाई राप्रपा नेताहरूले सामान्य भेटघाट भनका छन् ।
भेटमा समसामयिक विषयमा कुराकानी भएको अध्यक्ष लिङदेनले जानकारी दिए । बिचार मिल्ने भएकाले राजासँग बेलाबेला भेटघाट भइरहन्छ उनले भने ।
राप्रपा सरकारबाट बाहिरिएपछि शीर्ष नेताहरूकाे याे पहिलाे भेट भएकाे बताइएकाे छ । राप्रपा सरकारमा गएकाेमा पूर्व राजाले असन्तुष्टि जनाएका थिए भने व्यवसायी दुर्गा प्रसाईकाे कार्यक्रममा राजा उपस्थित भएकाेमा राप्रपा नेताहरूले पनि असन्तुष्टि जनाएका थिए । दुवै असन्तुष्टि याे भेटले साम्य पारेकाे बिश्लेषण गरिएकाे छ ।
