निर्जीवन बीमा कम्पनीहरुको बीमाशुल्क करिब ५ प्रतिशतले बढेर साढे ३२ अर्ब माथि, कुन कम्पनीको कति?

Jun 04, 2023 04:42 PM Merolagani

चालु आर्थिक वर्षको बैशाखसम्ममा निर्जीवन बीमा कम्पनीहरुले साढे ३२ अर्ब रुपैयाँ भन्दा बढी कुल बीमा शुल्क आर्जन गरेका छन् । नेपाल बीमा प्राधिकरणले उपलब्ध गराएको तथ्यांक अनुसार १६ वटा निर्जीवन बीमा कम्पनीहरुले ३२ अर्ब ६८ करोड ९६ लाख रुपैयाँ कुल बीमा शुल्क आर्जन गरेका हुन् ।

यो गत आर्थिक वर्षको यहि अवधिको तुलनामा ४.७८ प्रतिशतले मात्रै धेरै हो । गत आर्थिक वर्षको बैशाखसम्ममा निर्जीवन बीमा कम्पनीहरुले ३१ अर्ब १९ करोड ७१ लाख रुपैयाँ कुल बीमाशुल्क आर्जन गरेका थिए ।

कुल बीमा शुल्क आर्जनमा शिखर इन्स्योरेन्स शीर्ष स्थानमा रहेको छ । कम्पनीले चालु आर्थिक वर्षको बैशाखसम्ममा शिखरले सबैभन्दा धेरै ४ अर्ब ४२ करोड ६९ लाख रुपैयाँ कुल बीमा शुल्क आर्जन गरेको छ । यो निर्जीवन बीमा कम्पनीहरुले आर्जन गरेको कुल बीमाशुल्कको १३.५४ प्रतिशत हो ।

कुल बीमाशुल्क आर्जनमा शिखरपछि सगरमाथा लुम्बिनी इन्स्योरेन्स रहेको छ । फागुन २९ गतेदेखि एकीकृत कारोबार थालेको सगरमाथा लुम्बिनीले यस अवधिमा ३ अर्ब ७३ करोड ७ लाख रुपैयाँ बीमाशुल्क आर्जन गरेको छ ।

यस्तै फागुन १७ गतेदेखि एकीकृत कारोबार थालेको सिद्धार्थ प्रिमियर इन्स्योरेन्सले पनि ३ अर्ब ६४ करोड ९६ लाख रूपैयाँ कुल बीमाशुल्क आर्जन गरेको छ । यो निर्जीवन बीमा कम्पनीहरूले संकलन गरेको कुल बीमा शुल्कको ११.४१ प्रतिशत हो ।

यस अवधिमा आइएमई प्रुडेन्सिलयले २ अर्ब ७० करोड, हिमालयन एभरेष्टले २ अर्ब ४९ करोड, नेकोले २ अर्ब ४५ करोड, राष्ट्रिय बीमा संस्थानले २ अर्ब २ करोड रुपैयाँ कुल बीमाशुल्क आर्जन गरेका छन् ।

सबैभन्दा कम बीमा शुल्क आर्जन गर्नेमा भने नेशनल इन्स्योरेन्स कम्पनी रहेको छ । कम्पनीले यस अवधिमा ८२ करोड ४२ लाख रुपैयाँ मात्रै बीमाशुल्क आर्जन गरेको छ । यो निर्जीवन बीमा कम्पनीहरुले आर्जन गरेको कुल बीमा शुल्कको २.५२ प्रतिशत मात्रै हुन आउँछ ।

राष्ट्रिय बीमा कम्पनीले व्यवसाय बढाउँदा युनाइटेडको सबै भन्दा धेरै घट्यो

राष्ट्रिय बीमा कम्पनीले व्यवसाय बढाउनेमा आफुलाई शीर्ष स्थानमा राख्न सफल भएको छ । कम्पनीले यस अवधिमा सबैभन्दा धेरै ३६.६७ प्रतिशतले बीमाशुल्क बढाउदै २ अर्ब २ करोड ५१ लाख रुपैयाँ पुर्याएको हो ।

गत आर्थिक वर्षको यही अवधिमा कम्पनीले १ अर्ब ४८ करोड १८ लाख रुपैयाँ मात्रै बीमाशुल्क आर्जन गरेको थियो ।

राष्ट्रिय बीमा कम्पनी पछि अजोड इन्स्योरेन्सको २७.९५ प्रतिशत, सानिमा जिआईसीको १६.०२ प्रतिशत, नेशनल इन्स्योरेन्सको १०.५६ प्रतिशत, आइएमई प्रुडेन्सियलको ९.६५ प्रतिशतले बीमा शुल्क बढेको छ ।

सबैभन्दा कम बीमा शुल्क बढाउनेमा भने नेको इन्स्योरेन्स रहेको छ । नेकोको बीमाशुल्क १.८५ प्रशितले मात्रै बढेर २ अर्ब ४५ करोड ९३ लाख रुपैयाँ पुगेको हो । गत आर्थिक वर्षको यही अवधिमा नेकोले २ अर्ब ४१ करोड ४७ लाख रुपैयाँ मात्रै बीमा शुल्क आर्जन गरेको थियो ।

पाँच कम्पनीको व्यवसाय भने खस्कियो

१६ निर्जीवन बीमा कम्पनीहरु मध्ये ११ वटाले आफ्नो व्यवसायलाई विस्तार गर्दा ५ वटा कम्पनीको व्यवसाय भने खस्किएको छ । यस अवधिमा साविकको युनाइटेड इन्स्योरेन्स, सिद्धार्थ प्रिमियर इन्स्योरेन्स, सगरमाथा लुम्बिनी इन्स्योरेन्स, हिमालयन एभरेष्ट र नेपाल इन्स्योरेन्सको बीमा शुल्क भने घटेको हो ।

सबै भन्दा धेरै साविकको युनाइटेड इन्स्योरेन्सको बीमा शुल्क ९.९१ प्रतिशतले घटेर १ अर्ब १५ करोड ५४ लाख रुपैयाँमा सीमित भएको छ । गत आर्थिक वर्षको यहि अवधिमा कम्पनीले १ अर्ब २८ करोड २५ लाख रुपैयाँ कुल बीमा शुल्क आर्जन गरेको थियो ।

यस्तै, सिद्धार्थ प्रिमियरको ४.२८ प्रतिशत, सगरमाथा लुम्बिनीको ३.४२ प्रतिशत, हिमालयन एभरेष्टको २.६२ प्रतिशत र नेपाल इन्स्योरेन्सको १.३४ प्रतिशतले बीमाशुल्क घटेको छ ।

comments powered by Disqus

गभर्नरले राष्ट्र बैककै विभागीय प्रमुखहरूसँग मागे शेयर कर्जा सीमा कति बढाउने भन्ने सुझाव,फेस सेभिङकाे मुडमा गभर्नर

Sep 29, 2023 06:01 PM

नेपाल राष्ट्र बैंकका गभर्नर महाप्रसाद अधिकारी यतिखेर चर्को दबाबमा देखिएका छन्। सरकारदेखि प्रमुख प्रतिपक्षी दलका नेता तथा नेकपा एमालेका अध्यक्ष समेत रहेका केपी शर्मा ओलीले समेत सार्वजनिक मञ्चबाटै राष्ट्र बैंकसँग कुरा गर्ने भनेपछि उनी थप दबाबमा देखिएका हुन्।