हालै एनसेल आजियाटाले सार्वजनिक गरेको तथ्याङकले एनसेलको बजार हिस्सा २०२२/२३ मा ५४ प्रतिशतमा पुगेको छ । एनसेलले २०२०/२१ मा ४० अर्ब ४२ करोड रुपैयाँ र २०१९/२० मा ४६ अर्ब ८७ करोड रुपैयाँको कारोबार गरेको थियो ।
६१ प्रतिशतसम्म पुगेको एनसेलको बजार घट्दो क्रममा रहेको छ । एनसेलसँग भ्वाइसको बजार हिस्सा ५० प्रतिशत र डेटामा ५७ प्रतिशत बजार हिस्सा छ। डेटाको प्रयोग र त्यसको बजार हिस्सा बढ्दै गएकाले कम्पनीको प्रति ग्राहक औसत आम्दानी बढ्दै जाने जनाएको छ ।
एनसेलमा ८० प्रतिशत सेयर स्वामित्व आजियाटा समूह र बाँकी २० प्रतिशत नेपाली कम्पनी सुनिभेरा क्यापिटल भेन्चर प्रालिसँग छ। एनसेलले हाल नेपाल भर फोरजी विस्तार अन्तिम चरणमा पुर्याएको छ ।
त्यस्तै फाइभजी परिक्षणका लागि पनि नियामक दूरसञ्चार प्राधिकरण र सञ्चार मन्त्रालयमा अनुमति मागेको छ । तर, लामो समय भइसक्दा पनि फाइभजीको परिक्षण अनुमति पाउन सकेको छैन् ।
