सिटिजन्स बैंक दशैंअघि लाभांश दिनेमा पहिलो बैंक, दोस्रोमा एभरेष्ट बैंक भएको छ भने तेस्रो हुनेमा सानिमा बैंक भएको छ ।
वाणिज्य बैंकहरुमध्ये सिटिजन्स बैंकले शेयरधनीलाई चुक्ता पूँजीको ५.७९ प्रतिशतका दरले नगद लाभांश खातामा पठाएको छ ।
यसैगरी एभरेष्ट बैंकले १० प्रतिशत बोनस शेयर र १०.५३ प्रतिशत नगद गरी कुल २०.५३ प्रतिशत लाभांश वितरण गर्ने घोषणा गरेको थियो । एभरेष्ट बैंकले बुधबार शेयरधनीको खातामा नगद लाभांश पठाएको हो ।
सानिमा बैंकले कात्तिक २ गते अर्थात हिजै बिहीबार साधारणसभा गरेर शेयरधनीको खातामा लाभांश पठाइदिएको छ । सानिमा बैंकले ९ प्रतिशत बोनस र करसहित ५.७० प्रतिशत नगद गरी कुल १४.७० प्रतिशत लाभाशं वितरण गरेको छ ।
ती तीन बाहेक अन्य केही बैंकले साधारणसभाबाट लाभांश पारित गराइसकेका भए पनि शेयरधनीको खातामा भने लाभांश पठाएका छैनन् । सिटिजन्स, एभरेष्ट र सानिमा बैंकले दशैँको मुखमा लाभांश पठाएर शेयरधनीलाई दशैँ अघि नै दक्षिणा दिएको छन् ।
