आम्दानी घटेपनि यस कारण भयो एनआरएन इन्फ्रास्ट्रक्चरको नाफा धनात्मक

Nov 10, 2023 07:14 AM Merolagani



एनआरएन इन्फ्रास्ट्रक्चर एण्ड डेभलपमेन्ट लिमिटेड (NRN) ले चालु आर्थिक वर्षको पहिलो त्रैमाससम्मको अपरिष्कृत वित्तीय विवरण प्रकाशित गरेको छ। विवरण अनुसार सो अवधिसम्ममा कम्पनी आम्दानी घटेपनि खुद नाफा भने धनात्मक रहेको छ।

चालु आर्थिक वर्षको असोज मसान्तसम्ममा कम्पनीको खुद नाफा ८८ लाख ८३ हजार रुपैयाँ धनात्मक भएको छ। गत आर्थिक वर्षको सोही अवधिसम्ममा कम्पनीको यस्तो नाफा ४५ लाख ४९ हजार रुपैयाँ ऋणात्मक थियो।

कम्पनीको आम्दानी घटेपनि वित्तीय सम्पत्तीको फेर भ्यालु परिवर्तनबाट नाफां भएका कारण खुद नाफा धनात्मक हुन पुगेको हो।

समीक्षा अवधिमा कम्पनीको कुल आम्दानी ४१.९३ प्रतिशत घटेको छ भने कुल खर्च ३.९० प्रतिशत मात्र घटेको छ। त्यसैगरी, कम्पनीको सञ्चालन मुनाफा समीक्षा अवधिमा ५२.४६ प्रतिशत घटेको छ। गत आर्थिक वर्षको पहिलो तीन महिनासम्ममा १ करोड ४८ लाख रुपैयाँ ऋणात्मक रहेको कम्पनीको वित्तीय सम्पत्तीको फेर भ्यालु परिवर्तन नाफा, चालु आर्थिक वर्षको सोही अवधिमा ७६ लाख ५२ हजार धनात्मक भएको छ। जसका कारण कम्पनीको नाफा पनि धनात्मक हुन पुगेको हो।

नाफासँगै कम्पनीको प्रतिशेयर आम्दानी पनि धनात्मक भएको छ। असोज मसान्तसम्ममा कम्पनीको प्रतिशेयर आम्दानी २ रुपैयाँ ९० पैसा रहेको छ भने प्रतिशेयर नेटवर्थ १२२ रुपैयाँ ६४ पैसा रहेको छ। सो अवधिसम्ममा कम्पनीको प्रतिशेयर नेटवर्थ १३४.९४ गुणा रहेको छ।




पूँजीबजार र अर्थतन्त्र सुधार्ने ‘अध्यादेश’: ५० प्रतिशत प्रगति भएका हाइड्रोलाई आईपीओ, ३० दिनमा हकप्रद र कर परीक्षण हदम्याद २ वर्ष

Nov 15, 2026 06:06 AM

सरकारले पूँजीबजार, लगानी प्रवर्द्धन, कर प्रशासन र पूर्वाधार विकासमा देखिएको कानुनी तथा प्रक्रियागत जटिलता अन्त्य गर्न एकैपटक ५९ वटा ऐन संशोधन गर्ने गरी बृहत् अध्यादेशको प्रारम्भिक मस्यौदा तयार पारेको छ।