चालु आर्थिक वर्षको असोज मसान्तसम्ममा कम्पनीले १५ करोड ६५ लाख रुपैयाँ खुद नाफा कमाएको छ। यो गत आर्थिक वर्षको सोही अवधिको तुलनामा ७२.४६ प्रतिशत बढी हो। गत आर्थिक वर्षको सोही अवधिसम्ममा कम्पनी ९ करोड ७ लाख रुपैयाँ खुद नाफा कमाएको थियो।
कम्पनीको आम्दानी बढेका र खर्च घटेका कारण खुद नाफा बढ्न पुगेको हो।
समीक्षा अवधिमा कम्पनीको सेवा शुल्क, ब्याज र अन्य आम्दानी ५९.६८ प्रतिशत बढेको छ। कम्पनीको सञ्चालन खर्च ७०.०९ प्रतिशत घटेको छ भने कुल खर्च ६८.६६ प्रतिशत घटेको छ।
नाफासँगै कम्पनीको प्रतिशेयर आम्दानी पनि बढेको छ। समीक्षा अवधिमा कम्पनीको यस्तो आम्दानी २५ रुपैयाँ ४४ पैसा बढेर ६० रुपैयाँ ५५ पैसा पुगेको छ। असोज मसान्तसम्ममा कम्पनीको प्रतिशेयर नेटवर्थ २०८ रुपैयाँ ३९ पैसा रहेको छ भने मूल्य आम्दानी अनुपात ३५.१८ गुणा रहेको छ।
१ अर्ब ३ करोड ४२ लाख रुपैयाँ चुक्ता पूँजी रहेको यस कम्पनीको जगेडा कोषमा १ अर्ब १२ करोड रुपैयाँ सञ्चित छ।
