बुधबार सार्वजनिक गरिएको महालेखा परिक्षकको प्रतिबेदनका अनुसार गत आर्थिक वर्ष संघीय सरकारका २५ वटा मन्त्रालयहरुमध्ये सबैभन्दा धेरै बेरुजु अर्थमन्त्रालयको रहेको छ । प्रतिवेदनका अनुसार अर्थमन्त्रालयको बेरुजु ३३ अर्ब ७१ करोड १७ लाख रहेको छ, जुन सबै मन्त्रालयहरुको कूल बेरुजुको ७०.६१ प्रतिशत हो ।
त्यस्तै १ अर्ब भन्दा धेरै बेरुजु रहेका अन्य मन्त्रालयहरुमा भौतिक पूर्वाधार मन्त्रालयको ६ अर्ब ४३ करोड ६४ लाख, रक्षा मन्त्रालयको १ अर्ब ६७ करोड १४ लाख, भूमी व्यवस्था मन्त्रालयको १ अर्ब ५० करोड ६५ लाख, परराष्ट्र मन्त्रालयको १ अर्ब ५ करोड ३३ लाख रहेको छ ।
