चालु आर्थिक वर्षको पहिलो तीन महिनामा लघुवित्तले ४ करोड १६ लाख १९ हजार रुपैयाँ खुद नाफा कमाएको छ। गत आर्थिक वर्षको सोही अवधिसम्ममा लघुवित्तको खुद नाफा ११ करोड ९ लाख रुपैयाँ ऋणात्मक थियो।
लघुवित्तको ब्याज आम्दानी बढेको र इम्पेरमेन्ट चार्ज घटेका कारण खुद नाफा धनात्मक भएको हो।
समीक्षा अवधिमा लघुवित्तको खुद ब्याज आम्दानी ४.१९ प्रतिशत बढेको छ भने खुद फि तथा कमिशन आम्दानी १८.०८ प्रतिशत घटेको छ। गत आर्थिक वर्षको असोज मसान्तसम्ममा १० करोड ५१ लाख रुपैयाँ ऋणात्मक रहेको लघुवित्तको सञ्चालन मुनाफा, चालु आर्थिक वर्षको सोही अवधिसम्ममा ५ करोड ९३ लाख रुपैयाँ धनात्मक भएको छ।
नाफासँगै लघुवित्तको प्रतिशेयर आम्दानी पनि धनात्मक भएको छ। असोज मसान्तसम्ममा लघुवित्तको यस्तो आम्दानी १५ रुपैयाँ ७७ पैसा धनात्मक रहेको छ। सो अवधिसम्ममा लघुवित्तको प्रतिशेयर नेटवर्थ २८९ रुपैयाँ ५८ पैसा र मूल्य आम्दानी अनुपात ९५.११ गुणा रहेको छ।
१ अर्ब ५ करोड ५५ लाख रुपैयाँ चुक्ता पूँजी रहेको यस लघुवित्तको जगेडा कोषमा २ अर्ब १० लाख रुपैयाँ सञ्चित छ। लघुवित्तले सो अवधिसम्ममा ९ अर्ब १४ करोड रुपैयाँ निक्षेप तथा सापटीबाट १९ अर्ब ९३ करोड रुपैयाँ कर्जा प्रवाह गरेको छ।
