चालु आर्थिक वर्षको असोज मसान्तसम्ममा कम्पनीले १ करोड १६ लाख रुपैयाँ नोक्सानी व्यहोरेको छ। गत आर्थिक वर्षको यसै अवधिसम्ममा कम्पनीको नोक्सानी ७३ लाख ६३ हजार रुपैयाँ नोक्सानीमा थियो।
कम्पनीको विद्युत बिक्री आम्दानी नभएको र खर्च बढेका कारण खुद नोक्सानी बढ्न पुगेको हो। समीक्षा अवधिमा कम्पनीको प्रशासनिक खर्च ९४ लाख ७० हजार रुपैयाँबाट बढेर १ करोड २४ लाख रुपैयाँ पुगेको छ। त्यस्तै, कम्पनीको सञ्चालन नोक्सानी ९६ लाख रुपैयाँबाट बढेर १ करोड २६ लाख रुपैयाँ पुगेको छ।
६ अर्ब रुपैयाँ चुक्ता पूँजी रहेको यस कम्पनीको रिटेन्ड अर्निङ्ग ४२ करोड ५९ लाख रुपैयाँ ऋणात्मक रहेको छ। असोज मसान्तसम्ममा कम्पनीको प्रतिशेयर आम्दानी ७८ पैसा ऋणात्मक रहेको छ भने प्रतिशेयर नेटवर्थ ९२ रुपैयाँ ९० पैसा रहेको छ।
