चालु आर्थिक वर्षको पहिलो त्रैमाससम्ममा कम्पनीले ५ करोड १८ लाख रुपैयाँ खुद नाफा आर्जन गरेको छ। यो गत आर्थिक वर्षको सोही अवधिको तुलनामा १४.८१ प्रतिशत बढी हो। गत आर्थिक वर्षको सोही अवधिसम्ममा कम्पनीले ४ करोड ५१ लाख रुपैयाँ खुद नाफा कमाएको थियो।
कम्पनीको आम्दानी सामान्य बढेपनि वित्तीय खर्च घटेका कारण खुद नाफा बढ्न पुगेको हो।
समीक्षा अवधिमा कम्पनीको आम्दानी २.२० प्रतिशत र कुल नाफा ०.४२ प्रतिशत बढेको छ। त्यस्तै, कम्पनीको सञ्चालन मुनाफा समीक्षा अवधिमा २.३० प्रतिशत बढेको छ भने वित्तीय खर्च २३.१० प्रतिशत घटेको छ।
नाफासँगै कम्पनीको प्रतिशेयर आम्दानी पनि बढेको छ। समीक्षा अवधिमा कम्पनीको यस्तो आम्दानी ५ रुपैयाँ ३५ पैसा बढेर ४१ रुपैयाँ ४६ पैसा पुगेको छ। असोज मसान्तसम्ममा कम्पनीको प्रतिशेयर नेटवर्थ १२५ रुपैयाँ ९६ पैसा रहेको छ भने मूल्य आम्दानी अनुपात ५१.३२ गुणा रहेको छ।
५० करोड रुपैयाँ चुक्ता पूँजी रहेको यस कम्पनीको रिटेन्ड अर्निङ्ग १२ करोड ९८ लाख रुपैयाँ रहेको छ।
