चालु आर्थिक वर्षको पहिलो ३ महिनासम्ममा कम्पनीले १ करोड ६४ लाख ९४ हजार रुपैयाँ खुद नाफा कमाएको छ। गत आर्थिक वर्षको सोही अवधिसम्ममा कम्पनी १ करोड १६ लाख रुपैयाँ नोक्सानीमा थियो।
विद्युत उत्पादन सुरु भएसँगै कम्पनी नाफामा पुगेको हो। गत असोज मसान्तसम्ममा कम्पनीले १० करोड १८ लाख रुपैयाँ विद्युत बिक्री आम्दानी गरेको छ। कम्पनीले गत असोज २० गतेदेखि व्यापारिक उत्पादन सुरु गरेको थियो।
सो अवधिसम्ममा कम्पनीको सञ्चालन मुनाफा ५ करोड ८६ लाख रुपैयाँ रहेको छ भने वित्तीय खर्च ४ करोड २५ लाख रुपैयाँ रहेको छ। त्यस्तै, सो अवधिसम्ममा कम्पनीको प्रतिशेयर आम्दानी १ रुपैयाँ १० पैसा रहेको छ भने प्रतिशेयर नेटवर्थ ९३ रुपैयाँ ८९ पैसा रहेको छ।
६ अर्ब रुपैयाँ चुक्ता पूँजी रहेको यस कम्पनीको रिटेन्ड अर्निङ्ग भने ३७ करोड ८३ लाख रुपैयाँ ऋणात्मक रहेको छ।
