गत साता ३ कारोबार दिनका लागि बजार खुलेको थियो। जसमध्ये २ कारोबार दिन नेप्से बढेको थियो भने १ कारोबार दिन घटेको थियो।
प्रतिरोध परीक्षणमा
गत साता नेप्से परिसूचक प्रतिरोध परीक्षणमा रहेको छ। गत साता नेप्सेले २६४५ देखि २६९० सम्मको प्रतिरोध क्षेत्र परीक्षण गरेको होे। आगामी दिनमा नेप्सेले सो प्रतिरोध क्षेत्र तोडेर उकालो लागेमा २८०० देखि २८६० को क्षेत्रमा प्रतिरोधको सामना गर्नेछ। तर ओरालो लागेमा भने २४४० देखि २४९० को क्षेत्रमा टेवा पाउने देखिन्छ।
अन्योलमा लगानीकर्ता
साप्ताहिक रुपमा गत साता नेप्सेले डोजी मैनबत्ती बनाएको छ। यसले गत साता लगानीकर्ताहरु बजारले अब कुन दिशा लिन्छ भन्ने अन्योलमा रहेको संकेत गर्दछ। यद्यपि, साताका अन्तिम दुई कारोबार दिन भने नेप्सेले हरियो मैनबत्ती बनाएको थियो। जसले ती दिनहरुमा खरिदकर्ता बलियो रहेको संकेत गर्दछ।
बलियो भोल्यूम
गत साता नेप्सेको भोल्यूम बलियो रहेको छ। गत साता नेप्सेमा दैनिक औषतमा ६ अर्ब ५५ करोडको शेयर कारोबार भएको थियो। साताको अन्तिम कारोबार दिन नेप्सेको २० दिने औषत भोल्यूम ४ अर्ब ९३ करोड रहेको छ। २० दिने औषत भोल्यूमको तुलनामा गत साताको दैनिक औषत भोल्यूम ३२.८६ प्रतिशत बढी हो।
बुलिश प्रवृत्ति
गत साता नेप्सेको एमएसिडी रेखा सिग्नल रेखाभन्दा माथि रहेको छ। त्यस्तै, यी दुबै रेखाहरु र हिस्टोग्राम पनि सकारात्मक क्षेत्रमा रहेका छन्। यसले गत साता नेप्से बुलिश प्रवृत्तिमा रहेको संकेत गर्दछ ।
खरिद चाप बढी
गत साता नेप्सेको स्टकास्टिक आरएसआई न्यूट्रल जोनबाट ओभरबट जोनमा पुगेको छ। यसले गत साता बजारमा बिक्री चापको तुलनामा खरिदचाप बढी रहेको संकेत गर्दछ।
(यस समाचारको प्राविधिक विश्लेषणमा प्रयोग भएका चित्रहरु मेरोलगानी एआई चार्टबाट लिइएको हो।)
(उपलब्ध तथ्यांकका आधारमा तयार पारिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नु अघि आफैले थप अध्ययन तथा विश्लेषण गर्नु आवश्यक छ।)
