गत साता ५ कारोबार दिनका लागि बजार खुलेको थियो। जसमध्ये ४ कारोबार दिन नेप्से बढेको थियो भने १ कारोबार दिन घटेको थियो।
खरिदकर्ता बलियो
यस साता नेप्से परिसूचक ३००० विन्दु नजिक बन्द भएको छ। साताको पहिलो र अन्तिम कारोबार दिन बनेको मैनबत्तीले बजारमा खरिदकर्ता बलियो रहेको संकेत गर्दछ। त्यस्तै, साप्ताहिक रुपमा पनि नेप्सेले यस साता बुलिश मैनबत्ती नै बनाएको छ। यसले गत साता बजारमा खरिदकर्ताहरु बलियो रहेको संकेत गर्दछ।
प्रतिरोध क्षेत्र नजिक
गत साता नेप्से परिसूचक बढेर प्रतिरोध क्षेत्र नजिक पुगेको छ। हाल नेप्सेको प्रतिरोध क्षेत्र २९९० देखि ३०५० सम्म रहेको छ। यद्यपि, यस साता नेप्से ओरालो लागेमा २८०० देखि २८६० को क्षेत्रमा टेवा पाउने देखिन्छ। आगामी दिनमा बजारले कुन दिशा लिन्छ भन्ने निर्णय गर्न आजको बजार अवस्था अध्ययन गर्नु आवश्यक छ।
बलियो भोल्यूम
गत साता नेप्सेको भोल्यूम बलियो रहेको छ। दैनिक र साप्ताहिक रुपमा पनि देखिएको औषतभन्दा बढी भोल्यूमले अहिले लगानीकर्ताहरु बजार बढ्छ भन्ने अपेक्षामा शेयर खरिद गरिरहेको संकेत गर्दछ।
बुलिश प्रवृत्ति
गत साता नेप्से परिसूचक बुलिश प्रवृत्तिमा रहेको देखिन्छ। नेप्सेको एमएसिडी रेखा, सिग्नल रेखाभन्दा माथि रहेको छ र यी दुबै रेखाहरुबीचको दूरी फराकिलो हुँदै गइरहेको छ। त्यस्तै, नेप्सेको हिस्टोग्राम पनि सकारात्मक क्षेत्रमा रहेको छ। यद्यपि, साताको अन्त्यतिर हिस्टोग्रामको उचाई केही घट्न थालेको देखिन्छ।
खरिदबिक्री चाप सन्तुलनमा
गत साता नेप्सेको स्टकास्टिक आरएसआई न्यूट्रल जोनमा रहेको छ। यसले बजारमा शेयर खरिदबिक्री चाप सन्तुलनमा रहेको संकेत गर्दछ।
(यस समाचारको प्राविधिक विश्लेषणमा प्रयोग भएका चित्रहरु मेरोलगानी एआई चार्टबाट लिइएको हो।)
(उपलब्ध तथ्यांकका आधारमा तयार पारिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नु अघि आफैले थप अध्ययन तथा विश्लेषण गर्नु आवश्यक छ।)
