गत साता सो कम्पनीको शेयरमूल्य १५ रुपैयाँ बढेको छ। अघिल्लो साता ३८९ रुपैयाँमा अन्तिम कारोबार भएको यस कम्पनीको शेयर, गत साता ४०४ रुपैयाँमा अन्तिम कारोबार भएको छ।
प्रतिरोध परीक्षणमा
गत साता कम्पनीको शेयरमूल्य ४१५ देखि ४३५ को प्रतिरोध परीक्षणमा रहेको छ। साताको अन्तिम कारोबार दिन कम्पनीको शेयरमूल्य सो क्षेत्र परीक्षण गरी ४०४ मा झरेर बन्द भएको हो। आगामी साता कम्पनीको शेयरमूल्यले सो प्रतिरोध क्षेत्र तोडेर उकालो लागेमा ४८५ देखि ५०५ को क्षेत्रमा प्रतिरोधको सामना गर्ने देखिन्छ। यद्यपि, ओरालो लागेमा भने ३६५ देखि ३८० को क्षेत्रमा टेवा पाउने देखिन्छ।
खरिदकर्ता बलियो
साप्ताहिक रुपमा गत साता कम्पनीको शेयरमूल्यले लामो टुप्पी र छोटो पुच्छर भएको हरियो मैनबत्ती बनाएको छ। यसले गत साता कम्पनीको शेयरमा खरिदकर्ता बलियो रहेको संकेत गर्दछ। यद्यपि, साताको अन्तिम कारोबार दिन भने कम्पनीको शेयरमूल्यले बियरिश मैनबत्ती बनाएको थियो। जसले सो दिन कम्पनीको शेयरमा बिक्रीकर्ता हाबी भएको संकेत गर्दछ।
बलियो भोल्यूम
गत साता कम्पनीको भोल्यूम पनि बलियो रहेको छ। सो साता कम्पनीको दैनिक औषतमा ३ लाख ८४ हजार ७४२ कित्ता शेयर खरिदबिक्री भएको छ। साताको अन्तिम कारोबार दिन कम्पनीको २० दिने औषत भोल्यूम १ लाख ४२ हजार ५९५ कित्ता रहेको छ। २० दिने औषत भोल्यूमको तुलनामा गत साताको दैनिक औषत भोल्यूम १६९.८१ प्रतिशत बढी हो।
बुलिश प्रवृत्ति
गत साता कम्पनीको शेयरमूल्य बुलिश प्रवृत्तिमा रहेको छ। कम्पनीको एमएसिडी रेखा सिग्नल रेखाभन्दा माथि रहेको छ भने हिस्टोग्राम सकारात्मक क्षेत्रमा रहेको छ। त्यस्तै, एमएसिडी रेखा र सिग्नल रेखाबीचको दूरी र हिस्टोग्रामको उचाई दुबै बढ्दो क्रममा रहेको छ।
खरिदचाप बढी
साताको अन्तिम कारोबार दिन कम्पनीको स्टकास्टिक आरएसआई ओभरबट जोनमा उक्लिएको छ। यसले बजारमा कम्पनीको शेयरमा बिक्रीचापको तुलनामा खरिदचाप बढी रहेको संकेत गर्दछ।
वित्तीय अवस्था
चालु आर्थिक वर्षको पहिलो ६ महिनासम्ममा कम्पनी ५ करोड ९० लाख ४५ हजार रुपैयाँ खुद नाफा कमाएको छ। यो गत आर्थिक वर्षको सोही अवधिको तुलनामा ७.३६ प्रतिशत बढी हो। गत आर्थिक वर्षको सोही अवधिसम्ममा कम्पनीको यस्तो मुनाफा ५ करोड ४९ लाख ९८ हजार रुपैयाँ थियो।
विद्युत बिक्री आम्दानी घटेपनि कम्पनीको वित्तीय खर्च घट्दा खुद नाफा बढ्न पुगेको हो।
समीक्षा अवधिमा कम्पनीको विद्युत बिक्री आम्दानी १९ करोड २१ लाख रुपैयाँबाट घटेर १८ करोड ७१ लाख रुपैयाँमा सीमित भएको छ। त्यस्तै, समीक्षा अवधिमा कम्पनीको सञ्चालन मुनाफा ११ करोड ६१ लाख रुपैयाँबाट घटेर १० करोड ३६ लाख रुपैयाँमा झरेको छ भने वित्तीय खर्च ६ करोड २० लाख रुपैयाँबाट घटेर ४ करोड ४६ लाख रुपैयाँमा सीमित भएको छ।
१ अर्ब ९ करोड ५० लाख रुपैयाँ चुक्ता पूँजी रहेको यस कम्पनीको रिटेन्ड अर्निङ्ग भने १८ करोड २३ लाख रुपैयाँ ऋणात्मक छ।
पुस मसान्तसम्ममा कम्पनीको प्रतिशेयर आम्दानी १० रुपैयाँ ७८ पैसा रहेको छ भने बुकभ्यालु ८३ रुपैयाँ ३५ पैसा रहेको छ। गत साताको अन्तिम कारोबार मूल्य आधारमा कम्पनीको मूल्य आम्दानी अनुपात ३७.४८ गुणा र प्राइस टु बुकभ्यालु रेशियो ८३.३५ गुणा रहेको छ।
आधारभूत विश्लेषण
हाल नेप्सेमा कम्पनीको १ करोड ९ लाख ५० हजार कित्ता शेयर सूचीकृत छ। साताको अन्तिम कारोबार मूल्यका आधारमा कम्पनीको कुल बजार पूँजीकरण ४ अर्ब ४२ करोड ३८ लाख रुपैयाँ रहेको छ। कम्पनीको १८० दिने औषत मूल्य ३४३ रुपैयाँ ७१ पैसा रहेको छ। त्यसैगरी, कम्पनीको ५२ हप्ताको उच्च मूल्य ४९९ रुपैयाँ १० पैसा रहेको छ भने न्यून मूल्य ३१० रुपैयाँ ७० पैसा रहेको छ।
ब्रोकर ६४ बाट सर्वाधिक खरिद
यस साता ब्रोकर नम्बर ६४ ले कम्पनीको सबैभन्दा बढी शेयर खरिद गरेको छ। यस साता सो ब्रोकरले कम्पनीको २ लाख ५३ हजार ८१८ कित्ता शेयर खरिद गरेको छ। कम्पनीको शेयर सबैभन्दा बढी बिक्री गर्ने ब्रोकर भने ४० नम्बर रहेको छ। सो ब्रोकरले यस साता कम्पनीको १ लाख १२ हजार कित्ता शेयर बिक्री गरेको छ।
न्यूट्रल जोनमा
फियर एण्ड ग्रीड मिटरमा कम्पनीको शेयरमूल्य अहिले न्यूट्रल जोनमा रहेको छ।
(यस समाचारको प्राविधिक विश्लेषणमा प्रयोग भएका चित्रहरु मेरोलगानी एआई चार्टबाट लिइएको हो भने आधारभूत विश्लेषणमा प्रयोग भएका चित्रहरु मेरोलगानीको डाटा एनालाइटिक्सबाट लिइएको हो।)
(उपलब्ध तथ्यांकका आधारमा गरिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नुअघि थप अध्ययन तथा विश्लेषण गर्नु आवश्यक छ।)
