गत साता कम्पनीको शेयरमूल्य २१ रुपैयाँ ७० पैसा बढेको छ। अघिल्लो साताको अन्तिम कारोबार दिन ३४५ रुपैयाँमा कारोबार भएको यस कम्पनीको शेयर, यस साता ३६६ रुपैयाँ ७० पैसामा अन्तिम कारोबार भएको छ।
प्रतिरोध क्षेत्र नजिक
गत साता कम्पनीको शेयरमूल्य बढेर प्रतिरोध क्षेत्र नजिक पुगेको छ। हाल कम्पनीको प्रतिरोध क्षेत्र ३८० देखि ४०० सम्म रहेको छ। पछिल्ला दिनहरुमा कम्पनीको शेयरमूल्यले सो क्षेत्रमा धेरै पटक प्रतिरोधको सामना गरेर झरिसकेको छ। यदि यस साता पनि कम्पनीको शेयरमूल्यले सोही क्षेत्रमा प्रतिरोधको सामना गरी तल झरेमा ३२५ देखि ३४० को क्षेत्रमा टेवा पाउने देखिन्छ।
हायर हाई र लोअर लो
पछिल्लो समय कम्पनीको शेयरमूल्यले निरन्तर हायर हाई (नयाँ उच्च विन्दु) बनाउँदै बढेको छ। त्यस्तै, घट्दा अघिल्लो पटकभन्दा माथि नै सपोर्ट लिएको देखिन्छ। यसले कम्पनीको शेयरमा खरिदकर्ताहरु बलियो छन् भन्ने संकेत गर्दछ।
एआई सिग्नल
मेरोलगानी चार्टले हालसम्म कम्पनीको शेयरमा १४ पटक बाई सिग्नल दिइसकेको छ। जसमध्ये ९ सिग्नलबाट लगानीकर्ताहरुले नाफा कमाएका थिए भने ५ सिग्नलमा स्टप लस गर्नु परेको थियो। हाल मेरोलगानी एआई चार्टले कम्पनीको शेयरमा कुनै सिग्नल दिएको छैन।
बलियो भोल्यूम
गत साता कम्पनीको भोल्यूम पनि बढ्दो क्रममा रहेको छ। गत साता दैनिक औषतमा ३ लाख ३५ हजार ९९३ कित्ता शेयर खरिदबिक्री भएको छ। साताको अन्तिम कारोबार दिन कम्पनीको २० दिने औषत भोल्यूम ३ लाख ३२ हजार ४०८ कित्ता रहेको छ। २० दिने औषत भोल्यूमको तुलनामा गत साताको दैनिक औषत भोल्यूम १.०७ प्रतिशत बढी हो। मूल्य बढ्दा भोल्यूम पनि बढ्नुले यो वृद्धिलाई बजारले साथ दिएको भन्ने संकेत गर्दछ।
बुलिश क्रशओभर
गत साता कम्पनीको शेयरमूल्यले बुलिश क्रशओभर बनाएको छ। कम्पनीको एमएसिडी रेखाले सिग्नल रेखालाई तलबाट काटेर माथि लागेसँगै यस्तो क्रशओभर बनेको हो। यसले आगामी दिनमा कम्पनीको शेयरमूल्य बढ्ने संकेत गर्दछ। त्यस्तै, हिस्टोग्राम पनि सकारात्मक क्षेत्रमा बढ्दो क्रममा रहेको छ।
बिक्रीचाप घट्दै
स्टकास्टिक आरएसआई अनुसार कम्पनीको शेयर अहिले ओभरसोल्ड जोनबाट बिस्तारै बढ्ने क्रममा रहेको छ। यसले कम्पनीको शेयरमा बिक्रीचाप केही घट्न थालेको संकेत गर्दछ।
वित्तीय अवस्था
१. नाफा र आम्दानीको वृद्धि
चालु आर्थिक वर्षको चैत मसान्तसम्ममा कम्पनीले ७ करोड ४९ लाख २१ हजार रुपैयाँ खुद नाफा कमाएको छ। यो गत आर्थिक वर्षको सोही अवधिको तुलनामा १२३९.०५ प्रतिशत बढी हो। गत आर्थिक वर्षको सोही अवधिसम्ममा कम्पनीले ५५ लाख ९५ हजार रुपैयाँ खुद नाफा कमाएको थियो।
यस्तै, कम्पनीको कुल विद्युत बिक्री आम्दानी पनि गत आर्थिक वर्षको २५ करोड ५९ लाख ८९ हजार रुपैयाँबाट बढेर ३१ करोड ८ लाख ८६ हजार रुपैयाँ पुगेको छ।
२. आयस्रोत तथा आयोजनागत विवरण
कम्पनीको आम्दानी वृद्धिमा विभिन्न जलविद्युत तथा सौर्य आयोजनाहरुको महत्वपूर्ण याजना रहेको छ। चालु आर्थिक वर्षको चैत मसान्तसम्ममा कम्पनीले इँवाखोला आयोजनाबाट १८ करोड ७३ लाख ३८ हजार रुपैयाँ, बुटवल सोलार आयोजनाबाट ६ करोड ७४ लाख १ हजार रुपैयाँ, रिडीखोला आयोजनाबाट ४ करोड ११ लाख ८३ हजार रुपैयाँ र रैराङ खोला आयोजनाबाट २३ लाख ८८ हजार रुपैयाँ आम्दानी गरेको छ।
३. वासलात र पूँजीगत संरचना
चालु आर्थिक वर्षको तेस्रो त्रैमाससम्ममा कम्पनीको चुक्ता पूँजी २ अर्ब ३२ करोड ३३ लाख ५१ हजार रुपैयाँ रहेको छ। त्यस्तै, कम्पनीको जगेडा कोष ७ करोड ४३ लाख रुपैयाँ रहेको छ।
४. प्रमुख वित्तीय सूचकहरू
आधारभूत अवस्था
हाल नेप्सेमा कम्पनीको २ करोड ३२ लाख ३३ हजार ५१८ कित्ता शेयर सूचीकृत छ। गत शुक्रबार कम्पनीको शेयर प्रतिकित्ता ३६६ रुपैयाँ ७० पैसामा अन्तिम कारोबार भएको थियो। यस अनुसार कम्पनीको कुल बजार पूँजीकरण ८ अर्ब ५१ करोड ९७ लाख ३१ हजार ५० रुपैयाँ ६० पैसा रहेको छ।
कम्पनीको पछिल्लो ५२ हप्ताको उच्च मूल्य ३९३ रुपैयाँ रहेको छ भने न्यून मूल्य २०३ रुपैयाँ ५० पैसा रहेको छ। कम्पनीको १८० दिने औषत मूल्य २९५ रुपैयाँ ५ पैसा रहेको छ।
ब्रोकर ५८ बाट सर्वाधिक खरिदबिक्री
यस साता ब्रोकर नम्बर ५८ ले कम्पनीको सबैभन्दा बढी शेयर खरिदबिक्री गरेको छ। यस साता सो ब्रोकरले कम्पनीको ३ लाख ५१ हजार ९८५ कित्ता शेयर बिक्री गरी ३ लाख ५८ हजार ८३० कित्ता शेयर खरिद गरेको छ। त्यस्तै, यस साता ब्रोकर नम्बर ३५ ले कम्पनीको १ लाख २२ हजार ३२३ कित्ता शेयर खरिद गरेको छ भने ४४ ले १ लाख ६ हजार २०३ कित्ता शेयर बिक्री गरेको छ।
मूल्य बढ्ने अपेक्षा
फियर एण्ड ग्रीड मिटरमा कम्पनी अहिले ग्रीड जोनमा रहेको छ। यसले लगानीकर्ताहरु कम्पनीको शेयरमूल्य बढ्छ भन्ने अपेक्षामा रहेको संकेत गर्दछ।
(यस समाचारको प्राविधक विश्लेषणमा प्रयोग भएका चित्रहरु मेरोलगानी एआई चार्टबाट लिइएको हो भने आधारभूत विश्लेषणमा प्रयोग भएका चित्रहरु मेरोलगानीको डाटा एनालाइटिक्सबाट लिइएको हो।)
(उपलब्ध तथ्यांकका आधारमा गरिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नुअघि थप अध्ययन तथा विश्लेषण गर्नु आवश्यक छ।)
