बिहान साढे ८ बजेका लागि तय गरिएको कार्यक्रम प्रतिनिधिहरूको पहिचान र प्रमाणीकरणमा समय लागेका कारण अझै सुरु हुन नसकेको हो।
हाल चितवन प्रदर्शनी केन्द्रमा महाधिवेशन प्रतिनिधिहरू परिचय पत्र देखाउँदै हलभित्र प्रवेश गरिरहेका छन्। यस पटक महाधिवेशन प्रतिनिधिका लागि ठूलो संख्यामा दाबी-विरोध परेपछि हाल विवरणहरू रुजु गर्ने काम भइरहेको छ। कतिपय संघीय सांसदहरू समेत प्रतिनिधि सूचीमा नपरेका कारण उनीहरूले दाबी-विरोधको फाराम भरेका छन्। छानबिन पश्चात् प्रतिनिधिको अन्तिम सूची सार्वजनिक गरिने जनाइएको छ।
कार्यक्रम सञ्चालन एवं व्यवस्थापन उपसमितिका संयोजक कविन्द्र बुर्लाकोटीका अनुसार दाबी-विरोध व्यवस्थापन र रुजु प्रक्रियाका कारण बन्द सत्र निर्धारित समयभन्दा डेढ देखि दुई घण्टा ढिलो गरी सुरु हुने देखिन्छ।
