सहमतिलाई अन्तिम रूप दिन अहिले प्रधानमन्त्री तथा मन्त्रिपरिषद्को कार्यालय, सिंहदरबारमा सरकारी वार्ता टोली र मिटरब्याजी पीडित पक्षका प्रतिनिधिहरूबीच अन्तिम चरणको वार्ता भइरहेको छ।
हिजो प्रधानमन्त्री कार्यालयमा दुवै पक्षबीच सघन छलफल भएको थियो। हिजोको सोही छलफल र त्यसअघि सिमरामा भएको समझदारीलाई आधार मानेर आज अन्तिम सम्झौता पत्र तयार पारिएको हो।
आजको वार्तामा सहमति जुटेसँगै दुवै पक्षले सम्झौता पत्रमा हस्ताक्षर गर्नेछन् । जसले मिटरब्याज पीडितका मागहरू सम्बोधन गर्ने र आन्दोलनलाई तार्किक निष्कर्षमा पुर्याउने अपेक्षा गरिएको छ। सम्झौतामा पीडितका समस्या समाधानका लागि गठन गरिने संयन्त्र, कानुनी जटिलताको गाँठो फुकाउने उपाय र अन्य प्राविधिक विषयहरू समेटिने बुझिएको छ।
