इच्छुक क, ख र ग वर्गका बैंक तथा वित्तीय संस्थाहरूले आज अपराह्न ३ बजेसम्म राष्ट्र बैंकको अनलाइन बिडिङ सिस्टम मार्फत बोलकबोलमा सहभागी हुन सक्नेछन्। बोलकबोलमा न्यूनतम १० करोडदेखि १० करोडले भाग जाने गरी अधिकतम आह्वान गरिएको कुल रकमसम्म बोल गर्न पाइनेछ।
बोलकबोलमा सबैभन्दा कम ब्याजदर प्रस्ताव गर्ने संस्थालाई पहिलो प्राथमिकतामा राखिनेछ। यदि समान ब्याजदरमा माग बढी भएमा प्रो-राटा (अनुपातिक) आधारमा रकम बाँडफाँट गरिने बैंकले जनाएको छ। यस उपकरणको परिपक्व हुने अवधि आगामी भदौ २२ गते तोकिएको छ। उक्त मितिमा राष्ट्र बैंकले निर्धारित ब्याजसहित साँवा रकम सम्बन्धित बैंकको खातामा जम्मा गरिदिनेछ।
विशेष सर्तअनुसार यो निक्षेप रकमलाई बैंकहरूले आफ्नो लगानी पोर्टफोलियोमा गणना गर्न पाउने छैनन्। यद्यपि, राष्ट्र बैंकको निर्देशन बमोजिम कायम गर्नुपर्ने वैधानिक तरलता अनुपात र तरलता अनुपातमा भने यसलाई गणना गर्न पाइने सुविधा छ। यो निक्षेप अवधि सकिनुअघि फिर्ता (प्रि-म्याच्योर पेमेन्ट) हुने छैन।
