गत साउन २३ गते शनिबार २ लाख ९६ हजार ९०० रुपैयाँ कायम भएको सुनको मूल्य साउन २९ गते शुक्रबारसम्म आइपुग्दा ४ हजार ७०० रुपैयाँले बढेर प्रतितोला ३ लाख १ हजार ६०० रुपैयाँ पुगेको हो ।
नेपाल सुनचाँदी व्यवसायी महासंघका अनुसार, गत साउन २४ गते आइतबार एकैदिन ४ हजार ८०० रुपैयाँले बढेर ३ लाख १ हजार ७०० रुपैयाँ पुगेको थियाे ।
त्यस्तै, साउन २५ गते सोमबार भने २०० रुपैयाँले घटेर ३ लाख १ हजार ५०० रुपैयाँमा कारोबार भएको थियो । साउन २६ गते मंगलबार पनि एकैचोटी ६ हजार ४०० रुपैयाँले बढेर सुन प्रतितोला ३ लाख ७ हजार ९०० रुपैयाँ पुगेको थियो ।
त्यस्तै, साउन २७ गते बुधबार भने १ हजार २०० रुपैयाँले सुनको मूल्य घटेको थियाे । उक्त दिन सुनको मूल्य ३ लाख ६ हजार ७०० रुपैयाँमा कारोबार भएको थियो । त्यस्तै, साउन २८ गते बिहीबार पनि प्रतितोलामा ५०० रुपैयाँले घटेर सुनको मूल्य ३ लाख ६ हजार २०० रुपैयाँमा कारोबार भएको थियो ।
र, साउन २९ गते शुक्रबार ४६०० रुपैयाँले घटेर सुनको मूल्य ३ लाख १ हजार ६०० रुपैयाँमा कारोबार भएको थियो । समग्रमा यो हप्ता सुनको मूल्यमा तीव्र उतारचढाव आएको महासंघले जनाएको छ ।
