ग्रामीण विकास बैंकको एफपीओ कति पर्न सक्छ ? हेर्नुहाेस् मेरोलगानी विश्लेषण

Sep 17, 2017 merolagani

नेपाल ग्रामीण विकास बैंक (NGBBL) को एफपीओमा दुई लाख ५० हजार बढी आवेदकले दुई अर्ब ६० करोड रुपैयाँ बराबर रकमको २ करोड ७० लाख कित्ता एफपिओ माग भएको बिक्री प्रबन्धकले जनाएको छ । निष्काशित धितोपत्रको तुलनामा २७.६९ गुणा धेरै कित्ता माग आवेदन भएको हाे ।

बैंकको सेयर विक्री प्रबन्धक प्रभु क्यापिटलका अनुसार २ वटा बैंकबाट संकलन भएको एफपिओको आवेदनको तथ्याङ्क समावेश गरिएको छैन । ती दुई बैंकबाट अन्तिम विवरण प्राप्त हुँदा आवेदकको संख्या अझ बढ्ने छ । 

ग्रामीण विकास बैंकले भदौ २७ गतेदेखि ३० गतेसम्म एक सय रुपैयाँ अंकित दरका ९ लाख ७५ हजार कित्ता एफपिओ निष्काशन गरेको हो । अहिले प्राप्त भएको प्रारम्भिक तथ्याङ्क अनुसार नै दुई लाख ५० हजार आवेदकले २ करोड ७० लाख कित्ता सेयर माग गरेका छन् । एफपिओमा ५० कित्तादेखि ४८७० कित्तासम्म आवेदन गर्न सकिने व्यवस्था रहेको थियो ।

धितोपत्र बोर्डले गत जेठदेखि लागू गरेको धितोपत्र निष्कासन तथा बाँडफाँड निर्देशिका २०७४ अनुसार नै एफपिओ बाँडफाँड हुनेछ । यस आधारमा बाँडफाँड गर्दा कति कित्ता आवेदन गरे भन्दा पनि कति जना आवेदकले  एफपिओ माग गरे भन्ने कुराले महत्व पाउँछ । अधिकतम कित्ता माग गर्ने आवेदक र ५० कित्ता माग गर्ने अावेदकले पाउने भनेको गाेला प्रथाबाट १० कित्ता नै हो । एफपिओ अत्याधिक माग भएपछि १० कित्ता सेयर पनि गाेला प्रथाबाट वितरण हुने भएकाे हाे ।

प्रत्येक आवेदकलाई १० कित्ता बाँडफाँड हुने नयाँ निर्देशिका अनुसार बाँडफाँड गर्दा ९७ हजार पाँच सय जना आवेदकले पनि गोलाप्रथाबाट मात्रै १० कित्ता एफपिओ हात पार्नेछन् । प्रारम्भिक तथ्याङ्क अनुसार हेर्ने हो भने पनि एक लाख ५२ हजार पाँच सय जना आवेदकको हात  रित्तो हुने देखिन्छ ।

यस आधारमा एफपिओमा आवेदन गरेका साढे २ जना (२.५६४) मध्ये एक जनाले मात्र एफपिओ प्राप्त गर्ने देखिन्छ । अन्तिम तथ्याङ्क आएपछि बढेको आवेदक संख्या अनुसार एफपिओ पर्ने सम्भावना अझ कम हुनेछ र आवेदकले एफीओका लागि भाग्यमै भर पर्नुपर्ने देखिन्छ ।


comments powered by Disqus

शेयर लगानीकर्ताहरुका लागि उपयोगी पुस्तक ‘भ्यालु इन्भेष्टिङ्गः फ्रम ग्राहम टु बफेट एण्ड बियण्ड’, भाग १

Jul 08, 2020 07:36 PM

शेयर लगानीकर्ताहरुका लागि उपयोगी पुस्तकहरुको सारंश प्रस्तुत गर्ने क्रममा आज हामी शेयर बजारका लगानीकर्ताहरुले पढ्नै पर्ने पुस्तकमध्येको एक, ‘भ्यालु इन्भेष्टिङ्गः फ्रम ग्राहम टु बफेट एण्ड बियण्ड’ को सारंश लिएर आएका छौँ। यस अघि हामीले ४ पुस्तकहरुको समिक्षा प्रकाशित गरिसकेका छौँ।