सेयर बजारको सबैभन्दा बलियो कम्पनीको यस्तो आयो प्रगति विवरण

Nov 17, 2017 merolagani

सेयरबजारमा सूचिकृत कम्पनीहरुमध्ये सबैभन्दा बलियो पूँजीआधार भएको नेपाल टेलिकम (NTC) ले चालु आर्थिक बर्षको पहिलो त्रैमासमा भने नाफा घटेको वित्तीय विवरण सार्वजनिक गरेको छ । गतबर्षको यसैअवधिको तुलनामा टेलिकमको नाफा ९ करोडले घटेको हो ।



सबैभन्दा धेरै १५ अर्ब रुपैयाँ चुक्तापूँजी भएको टेलिकमले चालु आर्थिक वर्षको पहिलो त्रैमाशमा ४ अर्ब ५ करोड रुपैयाँ खुद नाफा गरेको छ । जून गतबर्षको यसैअवधिको तुलनामा ९ करोड कम हो । गत आवको सोही अवधिमा टेलिकमले ४ अर्ब १४ करोड रुपैयाँ खुद नाफा कमाएको थियो ।

यसअवधिमा टेलिकमले ११ अर्ब ८३ करोड रुपैयाँ आम्दानी गरेको छ । यो आम्दानी गतबर्षको यही अवधिको तुलनामा ४७ करोड बढी हो । गत आवको सोही अवधिमा टेलिकमले ११ अर्ब ३६ करोड रुपैयाँ मात्र आम्दानी गरेको थियो ।

कम्पनीको आम्दानी बढेपनि प्रशासनिक लगायतका अन्य खर्चहरु बढेपछि नाफामा कमी आएको हो । कम्पनीमा सरकारको ९१.४९ प्रतिशत, ४.४४ प्रतिशत सर्वसाधारण, ४.०४ प्रतिशत कर्मचारी र ०.०३ प्रतिशत नागरिक लगानीकोषको सेयर स्वामित्व रहेको छ ।

कम्पनीको प्रतिसेयर आम्दानी १०८ रुपैयाँ, प्रतिसेयर नेटवर्थ ६४३ रुपैयाँ र मूल्य आम्दानी अनुपात ६.२४ गुणा छ । कम्पनीको जगेडा कोषमा ८१ अर्ब रुपैयाँ छ ।

 

यसरी प्रयोग गर्नुहोस डाटा एनालिटिक्स


comments powered by Disqus

शेयर लगानीकर्ताहरुका लागि उपयोगी पुस्तक ‘भ्यालु इन्भेष्टिङ्गः फ्रम ग्राहम टु बफेट एण्ड बियण्ड’, भाग १

Jul 08, 2020 07:36 PM

शेयर लगानीकर्ताहरुका लागि उपयोगी पुस्तकहरुको सारंश प्रस्तुत गर्ने क्रममा आज हामी शेयर बजारका लगानीकर्ताहरुले पढ्नै पर्ने पुस्तकमध्येको एक, ‘भ्यालु इन्भेष्टिङ्गः फ्रम ग्राहम टु बफेट एण्ड बियण्ड’ को सारंश लिएर आएका छौँ। यस अघि हामीले ४ पुस्तकहरुको समिक्षा प्रकाशित गरिसकेका छौँ।