आइतबार दिउँसाे देखि यस कारण लागेन नेपाल टेलिकमको मोबाइलमा फोन

Dec 02, 2018 Merolagani

नेपाल टेलिकम (NTC) को जीएसएम प्रिपेड र पोस्पेड मोबाईल फोनमा आइतबार दिउँसो देखि देखिएको समस्या अझै समाधान हुन सकेको छैन। काठमाडौं उपत्याकामा आइतबार जीएसएम प्रिपेड तथा पोस्पेड सीम प्रयोगकर्ता फोन नलाग्ने समस्याका कारण हैरान छन् ।

पैसा नसकिए पनि पैसा सकिएको जानकारी आउने, फोन डायल गरेपछि कुनै प्रतिक्रिया नआउने जस्ता समस्या उपत्याकाभरका मोबाइल प्रयोगकर्तामा देखिएको छ । 

आइतबार दिउँसाे देखि मोबार्इलमा देखिएको समस्या अहिले पनि समाधान भएको छैन। नेपाल टेलिकमको सूचना प्रविधि निर्देशनालयका अनुसार टेलिकमको रुटमा समस्या आएका कारण फोन सेवा प्रभावित भएको हो ।

मोबाइल फोनमा कल पूर्ण नहुने समस्या समाधानका लागि टेलिकमका इन्जिनियरहरु लागि परेको निर्देशनालयले जनाएको छ ।

अहिले रुट सहजताका लागि काम भएको र निश्चित क्षेत्रमा ट्राफिक चाप बढेको भन्दै टेलिकमले छिट्टै समस्या समाधान हुने मेरोलगानीलाई जानकारी दियो ।


comments powered by Disqus

सडक बिभागका इन्जिनियर आचार्य बिरूद्ध भ्रष्टचारकाे मुद्धा दर्ता, ३ करोड बिगो दाबी

Jul 03, 2020 05:58 PM

अख्तियार दुरुपयोग अनुशन्धान आयोगले सडक विभागको इन्जिनियर भरतराज आचार्यलाई ३ करोड भन्दा बढी बिगो दाबी सहित मुद्धा दायर गरेको छ । सरकारी सेवाको क्रममा अकुत सम्पत्ती आर्जन गरेको भन्दै विशेष अदालत,काठमाडौंमा आरोप पत्र दायर भएको हो ।