बैंकको खुद नाफा ११ करोड ७३ लाख रुपैयाँले कमि आएर ७१ करोड तीन लाख रुपैयाँमा सीमित भएको छ । गत बर्ष बैंकले ८२ करोड ७६ लाख रुपैया खुद नाफा आर्जन गरेको थियो ।
यस अवधिमा बैंकले ४२ अर्ब ३६ करोड ३२ लाख रुपैयाँ निक्षेप संकलन गरेको छ भने गत बर्ष बैंकले ४२ अर्ब ०७ करोड ५६ लाख रुपैयाँ कर्जा परिचालन गरेको छ । बैंकको निक्षेप संकलन र कर्जा प्रवाह दुबै १० प्रतिशत हाराहारीमा मात्र सुधार भएको छ । यद्यपी बैंकले खुद व्याज आम्दानीमा भने कर्जा प्रवाहको वृद्धिभन्दा धेरै प्रतिशतकाे वृद्धि देखिन्छ जुन खर्च धान्न प्रयाप्त देखिन्न ।
एकातिर बैंकको व्यवसाय विस्तार सुस्त छ भने व्याज आम्दानीभन्दा खर्चवृद्धिको अनुपात बढेपछि बैंकको खुद व्याज आम्दानीमा उल्लेख्य सुधार आउन सकेको छैन । बैंकले गैह्र सञ्चालन आम्दानी भन्दा खर्च गरेको छ । शूल्क कमिसनबाट हुने आय घटेको छ भने कर्जा नोक्सानी व्यवस्था बैंकको खुद आम्दानी घटाउने प्रमुख कारण देखिएका छन् ।
आठ अर्ब आठ करोड ८१ लाख रुपैयाँ चुक्ता पूँजी रहेको बैंकको जगेडा कोषमा ३ अर्ब ६ करोड ३३ लाख रुपैयाँ सञ्चित रहेको छ ।
बैंकले परिचालन गरेको कर्जा मध्येमा १.७७ प्रतिशतमा खराब कर्जा पुग्दा कर्जा नोक्सानी कोष १८ करोडबाट ३८ करोडमा बढेको छ । यसले सञ्चालन आम्दानी गत बर्षभन्दा ११ करोड ६५ लाख घटेको छ ।
